¿Jesus wanunqanta yarpäna witsan mas yanapakushwantsuraq?

Jehoväpa sirweqninkunaqa, Jesus wanunqan yarpäna reunionta cada wata kushishqam shuyarantsik. Tsë reunion manaraq chämuptin y pasariptimpis, Jesus noqantsikrëkur wanunqantam agradecikuntsik y Jehovätam alabantsik (Ef 1:3, 7). Tsë reunionman shayämunampaqmi jukkunata invitantsik. Wakin wawqi panikunanam 30 o 50 hörakuna marzu o abril killakunachö precursor auxiliar kayänampaq patsätsipakuyan. ¿Jesus wanunqanta yarpäna reunionpaq maslla Diospita yachatsikuyta munankimantsuraq? ¿Imataraq rurankiman?

Tiempuwan imatapis patsätsipakushqaqa, mas allim yarqun (Pr 21:5). Tsëmi tsë reunionpaq ichikllana pishiptin kananllapitana tsëchö imanö yanapakunapaq y imata ruranapaq kaqta patsätsipakunantsik. Tsëpitanam, Jehovä llapan patsätsipakunqantsikta bendicimunampaq mañakunantsik (1Jn 5:14, 15).

¿Imanö mastan Diospita yachatsikunkiman Jesus wanunqanta yarpäna witsanchö?