Jesuspa Wanïnin Yarpë witsan Diospita yachatsikïchö masta rurë
1. ¿Imanirtaq marzo, abril y mayo killakuna Diospita yachatsikïchö masta rurëta puëdentsik?
1 Marzo, abril y mayo killakuna Diospita yachatsikïchö, ¿masta rurankimantsuraq? Itsa yachanqëki markachöqa, wakin markakunachönöpis tsë killakunaqa alli tiempo kanqa y hunaqpis más düranqa, y manam tsëllatsu, itsa tsë witsanqa trabäjïkipitapis hamanki o escuëlamampis ëwankitsu; tsëqa allichi yachatsikoq más yarqunkiman. Hinamampis, 2 de abril hunaqpita qallëkurmi llapan nunakunata invitakur purishun 17 de abril Jesuspa Wanïnin Yarpëman shayämunampaq. Tsëpitanam, llapan shamoqkunapa wayinkunaman ëwar Bibliapita yachatsishun y 25 de abril semänachö especial discursoman shayämunampaq invitashun. Awmi, marzo, abril, y mayo killakunaqa Diospita yachatsikïchö masta rurëta puëdentsikmi.
2. ¿Ima kartaq Diospita yachatsikïchö masta rurashwan?
2 Precursor auxiliar kankimanmi. Precursor auxiliar karmi Diospita yachatsikïchöqa masta rurantsik. Pero llapantsikmi imëka rurëyoq kantsik, tsëmi tiempontsiktaraq shumaq patsätsinantsik (Pro. 21:5). Itsa pensarqunkina tsë killakunachö imakunata ruranëkipaqpis. Pero mana alläpa precisaq kaptinqa, ¿manatsuraq yapëpaqna haqirinkiman? (Fili. 1:9-11.) ¿Imanirtaq wakin wawqikunata y panikunatapis willarinkitsu precursor këta munëkanqëkita? Tsëqa itsa pëkunapis munariyanman.
3. ¿Imataraq rurayankiman familiëkiwan Diospita yachatsikïchö masta rurayänëkipaq?
3 Allichi kanman Familiachö Diosta Adorana Hora, precursor auxiliar kayänëkipaq llapëki familia parlariyaptikiqa (Pro. 15:22). Shumaq yanapanakurqa, itsa mëqëkillapis huk killa o más killakuna precursor auxiliar kariyankiman. Pero mana mëqëki puëdeyänëki kaptinqa, ¿imataraq rurayankiman? Tsëqa itsa tardekunapa o semana ushëkuna Diospita yachatsikïchö masta rurayänëkipaq familiëkiwan shumaq parlariyankiman.
4. ¿Imataraq chaskishun Jesuspa Wanïnin Yarpë witsan Diospita yachatsikïchö masta rurarqa?
4 Jehoväqa rikëkanmi servinarëkur llapan rurëkanqantsikta y alläpam kushikun imëkata haqirir pëpaq ruranqantsikpita (Heb. 6:10). Y noqantsikpis, Jehoväta servirnin y nuna mayintsikta yanaparninqa alläpam kushikuntsik (1 Cró. 29:9; Hech. 20:35). Tsëqa, Jesuspa Wanïnin Yarpë witsan Diospita yachatsikïchö, ¿masta rurankimantsuraq? Masta rurarqa, kushishqam kanki y atska bendicionkunatam chaskinki.