Bibliaqa espëju cuentam

Santiägum nirqan Bibliaqa espëju cuenta kanqanta, tsëmi yanapamantsik imanö nuna kanqantsikta musyanapaq (Sant. 1:22-25). Peru ¿imatataq rurashwan Diospa Palabran yanapamänapaq?

Ama apuräduqa leyishuntsu. Juk espëjuchö apurädu rikakurqa manam cuentata qokushuntsu altsapäkunantsik pishinqanta. Tsënöllam Bibliata apurädu leyirpis cuentata qokushuntsu imakunachö corregikunantsik pishinqanta. Tsëmi Bibliata alli entiendinapaqqa despaciu leyinantsik.

Wakinkunaman pensanantsikpa rantin, kikintsik imanö këkanqantsikman pensashun. Espëjuchö rikakurqa, capazchi qepantsikchö këkaq nunakuna imanö këkäyanqantapis rikëta puëdishun y altsapäkuyänanta munashun. Tsënöllam wakinkunaman pensar Bibliata leyirpis, corregikuyänanta munashun. Peru wakinkunallaman pensarqa, manam kikintsik imanö këkanqantsikta cuentata qokushuntsu y corregikuytapis puëdishuntsu.

Ama llapanchöpis allilla këtaqa shuyaräshuntsu. Espëjuchö rikakur imëkachöpis mana alli kanqantsikta pensarqa llakikushunmi y altsapäkuytapis qelanärishunmi. Tsënöllam Bibliata leyirpis, llapanchö allillata rurëtaqa shuyaränantsiktsu, tsëpa rantinqa Jehovä rikämanqantsiknömi rikäkunantsik y puëdinqantsikmannö corregikunapaqmi kallpachakunantsik (Sant. 3:17).