DIBÜJUKUNAWAN Y FÖTUKUNAWAN ALLI YACHAKUY

Publicacionnintsikkunachöqa, yachakuykanqantsikta alli entiendinapaqmi dibüjukuna y fötukuna kan. Peru ¿imanötan tsëkunata alli provechashwan?

• Ima publicaciontapis leyinëki kaptinqa, manaraq leyirnin puntataqa dibüjunkunata o fötunkunataraq alli rikäri. Imanömi mikuytapis rikärir munapantsik, tsënöllam dibüjukunata o fötukunata rikanqëkipis yanapashunki leyita munanëkipaq. Tsëmi fötukunata o dibüjukunata rikärir kënö tapukunëki: “¿Imatataq rikëkä?” (Amos 7:7, 8).

• Leyikanqëki höra pensë tsë dibüjuta o fötuta imanir tsëman churayämushqa kayanqanta. Tsë dibüjupaq o fötupaq willakuynin o nötan kaptinqa tsëkunata leyi. Y entiendita procurë yachakuykanqëki tëmata entiendinëkipaq tsë dibüju o fötu imanö yanapashunqëkita.

• Leyir usharirna yachakunqëkita yarpänëkipaq dibüjuta o fötuta yapë rikë. Tsëpitana qepillarkur yarpë ima dibüjuta o ima fötuta rikanqëkita y imakunata yachakunqëkita.

• Kananqa kë revistachö fötukunata y dibüjukunata alli rikë. Tsëpitana revistëkita wichqarkur y qepillarkur imakunata rikanqëkita yarpë.