¿Imatataq rurankiman cada junaq Bibliata leyinëkipaq?

Imëka ruranantsik kaptinmi llapantsikpis ocupädu kantsik, tsëmi Bibliata cada junaq leyiqa fäciltsu (Jos. 1:8). Peru, ¿imaraq yanapashunkiman cada junaq Bibliëkita leyinëkipaq? Juk ishkëllata rikärishun.

• Yarpänëkipaq alarmata churë. Bibliëkita imë höra leyinëkipaq celularnikiman alarmata churë.

• Mas fäcil-lla rikanqëki sitiuman Bibliëkita churë. Tsëmi yanapashunki cada junaq leyinëkipaq (Deut. 11:18).

• Grabayanqan audiuta wiyë. Bibliataqa audiuchöpis wiyëta puëdinkim. Tsëtam ruran Tära jutiyoq precursöra panintsik. Pëqa wamrayoqmi y paqaspam trabajan, tsëmi Bibliata leyinampaq tiempun kanllatsu. Peru ¿imatataq ruran? Kënömi nin: “Wayïchö imëkata rurapakunqä höram Bibliata cada junaq audiuchö wiyä”.

• Leyita mana qonqanëkipaq kallpachakuy. Bibliata leyinëkipaq patsätsinqëki hörachö leyita mana puëdishqa karqa, manaraq punukurnin juk ishkë versïculullatapis leyi. Mana leyinqëkipitaqa ichikllatapis leyinqëkim mas alliqa kanqa (1 Pëd. 2:2).