¿Tsëpitanam rurashaq nishpaku haqikanki?
¿Imapitataq parlëkantsik? Qellqanëkipaq tarjeta Consentimiento Informado para la Atención Médica (CIAM) nishqampitam, tsëtaqa katsintsik llapan Testigo bautizädokunallam. Manam musyantsiktsu ‘warë warätin ima pasamänantsiktapis’, ima pasamashqapis akrashqanam kashwan ima hampita y imanö churamänantsikta, tsëpaqqa qellqashqatanam katsishwan (Sant. 4:14; Hech. 15:28, 29). Tsëta alleq musyar akranëkipaqmi Asistencia médica sin transfusiones. Necesidades y derechos del paciente nishqan videota rurayämushqa. Puntatam videota rikärinkiman, y huk oracionta rurarïkurnam, kë tapukïkunaman pensarinkiman mä imatash yachakorqonki. (Kë videochoqa kanmi mëdicokuna nunakunata operëkaqpis, tsëmi llapan teyta mamakunata yarpätsiyä pishi wambrankunawan cuidado kayänampaq mana mantsakäyanampaq.)
(1) ¿Imataq niyan wakin mëdicokunaqa cuerpoman yawar churëpita? (2) Parlakarami yawarninnaq rurayanqan kima grave operacionkunapita. (3) ¿Ëkaq mëdicokunataq y operaqkunataq, yawarta mana churashpa operantsikmi niyashqa? ¿Imanirtaq tsënö rurëta munayan? (4) ¿Imataq niyan hospitalkunachö yawarta churayanqampita, alli o mana alli kanqanta rikaqkuna? (5) ¿Imataq alläpa mantsëpaq kanman yawar churakïcho? (6) ¿Imataq niyan wakin mëdicokuna yawarta mana churakushpa hampikuyanqampita? (7) ¿Imapitataq anemia qeshya tsarimashwan? ¿Cuerpontsik mëyaqtaq aguantanman anëmiata? ¿Imatataq rurashwan anemiayoqkunata yanapanapaq? (8) ¿Imataraq rurayanman eritrocitos (glóbulos rojos) nishqanta cuerpocho miratsiyänampaq? (9) ¿Imatataq mëdicokuna operarnin rurayanman mana alläpa yawar yarqunampaq? (10) Huk wambra hospitalcho grave kaptenqa, ¿yawarninnaq hampikuna o huk tratamientokuna yanapanmantsuraq? (11) ¿Qeshyaqkunata alleq atendiyänampaq, ima leyninkunaraq kayäpun alli mëdicokunapaqa? (12) ¿Imanirtaq unëpitana qellqashqana katsishwan ima tratamientota chaskinapaqpis? ¿Imanötaq tsëtaqa rurashwan?
Cada cristianom decidinan Bibliapita yachakushqa conciencian nenqanmannö, videocho rikanqantsik tratamientokunapaqqa. Qamta, y wambrëkikunata yawarta mana churayäshunëkipaq, ¿decidiyarqonkinaku ima tratamientotapis chaskiyänëkipaq? La Atalaya del 15 de junio de 2004 y 15 de octubre de 2000 “Preguntas de los lectores” nishqanchömi tarinki yawarninnaq tratamientokunapaq willakïkunata, y Reinopita Willapäkunapaq noviembre 2006 suplementonchömi hina tarinki “¿Qué opino de las fracciones sanguíneas y de los procedimientos médicos que impliquen el uso de mi sangre?” nishqanta. Representantikikuna y mana Testigo kaq familiëkikunapis musyayänanmi decisionnikikunapita.