Alläpa precisaq invitacion
1. ¿Imëraq qallashun 2014 wata jatun asamblëapaq o atska nacionkunapaq asamblëapaq invitakïta?
1 Amïguntsikkunata o familiantsikkunata invitanapaq atska tiempupa alli allita cocinakushqa karqa, kushishqam invitantsik. Jina tsënöllam 2014 wata jatun asamblëapaq y atska nacionkunapaq asamblëapaqpis yachatsikïkuna atska tiempupa preparakämushqa. Tsëmi asamblëapaq kima (kimsa) semäna pishikaptin, tsë asamblëapaq llapan nunakunata invitashun. ¿Imaraq yanapamäshun kushi kushilla invitakunapaq?
2. ¿Imaraq yanapamäshun kushi kushilla invitakunapaq?
2 Asamblëakunachö Jehovä yachatsimanqantsikqa alläpam yanapamantsik, y tsëman yarpachakunqantsikmi yanapamäshun kushi kushilla invitakunapaq (Is. 65:13, 14). Jina yarpänantsikmi, invitakunqantsikqa cada wata imanö yanapakunqanman. Wakinkunaqa shayämunmi asamblëaman. Atskaq o ichiklla shayämunan kaptimpis, invitakunqantsikqa Jehovätam alaban y kuyakoq kanqantam rikätsikun (Sal. 145:3, 7; Apoc. 22:17).
3. ¿Imanöraq invitacionkunata nunakunaman chätsishun?
3 Cada congregacionchö anciänukunam rikäyanqa, mëtsikaq nunakunaman invitacionta imanö chätsinapaq kaqta y wayinchö mana tarir jaqinapaq o mana jaqinapaq kaqta o cällikunachö invitakunapaq kaqtapis. Semäna ushëkunaqa invitaciontawan juntum revistatapis jaqirita puëdishun. Invitakunantsik semänachö killapa qallanan säbadu ratamuptinqa, estudiu Biblicuta ashinapa rantinmi, invitakïta puntaman churanantsik. Invitakunantsik semänakuna ushariptinqa, alläpam kushikushun Jehoväpa yachatsikïninta chaskiyänampaq llapan puëdinqantsikmannö invitakunqantsikpita.