Utilisäshun Diospa Palabran ninqanta yachakunapaq follëtuta parlapar qallanapaq
1. ¿Ima mushoq yanapakïtaq kapamantsik yachatsikïnintsikpaq?
1 Tsëllaraqmi chaskirquntsik Diospa Palabran ninqanta yachakunapaq neq follëtuta. Tsëchömi atska textukuna yarqamun tukïläya yachatsikïkunapaq Razonamiento libruchö yurinqannö, tsëmi alläpa yanapakun nunakunata parlaparnin qallanapaq. ¿Imanötaq utilisashwan yachatsikunqantsikchö nunakunata parlapar qallanapaq?
2. ¿Imanötaq yachatsikunqantsikchö utilisashwan Diospa Palabran ninqanta yachakunapaq follëtuta?
2 Tantiyarinapaq, 8 kaq tapukïtam utilisëta puëdintsik kënö nir: “Vecïnïkikunawanmi parlëkäyarqö y atskaqmi kënö tapukuyan, ¿Diostsuraq culpayoq llapan sufrimientuntsikkunapita? [Wakin territoriukunachöqa kikin follëtuchö këkaq tapukïta rikëkatsir rurayanqanmi mas alli kashqa.] Y qamqa, ¿ima ninkitaq? [Shuyäri contestashunëkita.] Tsëpaqqa Bibliam cläru willamantsik”. Tsëpitaqa, kë follëtuchö yureq textukunata leyirapïta y parlakuritam puëdinki. Parlapanqëkiman nuna interesäkuptinqa, qallanan kaq päginachö 20 tapukïkunata rikäratsi y yachakïta munanqampita juk junaqchö parlakuriyänëkipaq niri. Jinamampis, Bibliapita yachatsinapaq utilisanqantsik publicacionkunatam munaratsinkiman y parlayanqëkipaq tsë publicacionchö mas yachatsikïkuna kanqantam rikäratsinkiman.
3. ¿Imanötaq kë follëtuta utilisashwan religionyoqna markakunachö parlar qallanantsikpaq?
3 Religionyoq kayanqan markakunachöqa 4, 13 a 17 tapukïkunam yanapakïta puëdin yachatsikïnintsikchö. Tantiyarinapaq, 17 kaq tapukïtam utilisankiman kënö ninëkipaq: “Familiakunata yanapayänäpaqmi llapankunata watukëkäyä. Cada junaq masmi problëmakunaman chëkantsik. Y qamqa, ¿ima ninkitaq? [Shuyäri contestashunëkita] Mëtsikaq casädukunam kë consëjuta precisaqpaq churayan: ‘Warmicuna qowequicunata respetacuyë’. [Manam Efesius 5:33 textupita parlapëkanqëkitaqa ninëkiraqtsu. Juk warmiwan parlëkarqa Efesius 5:28 textutam utilisëta puëdinki.] ¿Kë consëju ninqanta casädukuna wiyakuyanqanqa allitsuraq kanman?”.
4. ¿Imatataq rurankiman religionyoqna nunawan parlar usharirninqa?
4 Parlar usharirna, juk kutichöna tsë yachatsikïpita parlakuriyänëkipaq kaqta niri. Kutirninna, yachakuyanqëki tapukïchö juk textukuna yuriptinqa tsëpita yacharatsi. Allim kanman parlayanqëki consëjukunaqa Bibliallapita kanqanta nirinqëkiqa. Yachakïkäyanqëkipaq o Bibliapita ima tapukïninkuna kaptinqa juk publicacionta apapunëkipaq äniri. (Rikäri 2013 wata diciembri killa kaq Diospita Yachatsikunapaq höjapa 3-6 kaq päginankunata.)