Diospita yachatsikuytaqa llapantsikmi puëdintsik

Moisesqa Jehovä ninqanta mana rurëta puëdinqantam pensarqan (Ex 4:10, 13). ¿Imëllapis Moisestanö pasashurqunkiku? Bibliapita yachakuptiki, wayin wayin Diospita yachatsikoqna ëwanëkipaq niyäshuptikiqa, ¿Mantsapakunkiku? ¿Escuëlëkichö Diospita yachatsikuyta penqakunkiku? ¿Mëtsika nunakuna puriyanqan sitiukunachö o telëfunupa Diospita yachatsikuyta mana puëdinqëkitaku pensanki? Tsënö sientikurqa Jehovä yanapashunëkipaqmi mañakunëki (1Pë 4:11). Teytantsik Jehoväqa llapan nishunqëkita ruranëkipaqmi yanapashunki (Ex 4:11, 12).

VALIENTI KAYË PUBLICADORKUNA, NEQ VIDEUTA RIKÄRIR KËTA CONTESTARI:

• ¿Panintsik Aoyämaqa imanirtan carrïtuwan yachatsikuyta mantsaq?

• ¿Imatan yanaparqan valienti kanampaq? (Jer 20:7-9).

• ¿Jehoväta sirwinampaq kallpachakunqampitaqa ima bendicionkunatataq chaskirqan?

• ¿Jehovä yanapashuptiki, ima mastataq rurëta puëdinki pëpita mas yachatsikunëkipaq?