74 a 86 kaqchö imakunapaq willakunqan
Jesusqa Diospa Gobiernupitam masqa yachatsikurqan. Y yachatsikurqanmi Diosman mañakurninqa jutin respetashqa kanampaq, Gobiernun shamunampaq, y Patsachö voluntänin rurakänampaq mañakuyänampaqpis. Wamrëkikuna kaptinqa, Jehoväman mañakuyänampaq discïpulunkunata Jesus yachatsirnin, imapaq parlëkanqanta entienditsi. Jesusqa Jehoväta kuyarninmi Satanas tentananta permitirqantsu, tsënömi rikätsikurqan Jehovällata adoranqanta. Diospa Gobiernunchö cimientu cuenta kayänampaqmi apostolkunata akrarqan. Y kuyakoq karmi qeshyëkaqkunata alliyätsirqan, mallaqaqkunata pachan qararqan y wanushqakunata kawaritsirqan. Tsëkunam rikätsikurqan Diospa Gobiernunchö ruramunampaq kaqkunata.