YAĈHAKUNA 18
Pikunataq Jesús yaĉhachikushanta rurar kawsanllapa
Achka runakuna Jesucristota siguiyani nir yarpunllapa, pero ukta ukta yarpunllapa, mana Jesucristo yaĉhachikushannuchu kawsanllapa ima. Chayqa, ¿pikunataq Jesús yaĉhachikushanta rurar kawsanllapa?
1. ¿Imatataq ruranllapa Jesús yaĉhachikushanta rurar kawsaqkunaqa?
Jesucristota siguiqkunaqa pay yaĉhachikushannu kawsanllapa (liyiy Hechos 11:26). ¿Imata rurartaq Jesús yaĉhachikushannu kawsanllapa? Jesusqa niran: ʻNuqa nishaykunapi creyishaykillapanulla kawsarqami, chiqap [manaqa cierto] yaĉhakuqniykunana kankillapaʼ nir (Juan 8:31). Jesús yaĉhachikushanta rurar kawsaqkunaqa shunqunmanta-pacha Jesús yaĉhachikushankunata kasunllapa. Jesús yaĉhachikushanta rurar kawsaqkunaqa Bibliapa consejonkunata siguinllapa, imanutaq Jesuspis Bibliapa consejonkunata siguiran chaynu (liyiy Lucas 24:27).
2. ¿Imanutaq llakipanakunllapa Jesús yaĉhachikushanta rurar kawsaqkunaqa?
Jesusqa yaĉhakuqninkunata kaynu niran: “Imanutaq nuqa munashushallapa kani, chaynulla qamkunapis uknikillapa uknikillapa munanakuyllapa” nir (Juan 15:12). ¿Imanutaq yaĉhanchik Jesusqa yaĉhakuqninkunata kusalata munaran nir? Paykunata kusalata munar tiemponta urquran, animachiran, yanaparan, paykunapaq wanuran ima (1 Juan 3:16). Jesús yaĉhachikushanta rurar kawsaqkunaqa Jesús yupay kabalta munanakur kawsanllapa.
3. ¿Imatataq ruraranllapa Jesús yaĉhachikushanta rurar kawsaqkunaqa?
Jesusqa yaĉhachikuqninkunata kaĉharan, Diospa Gobiernonmanta “yaĉhachikunanllapapaq” (Lucas 9:2). Punta cristianokunaqa mana Diosta adorananllapapaq tantakarlachu yaĉhachikuqllapa, ashwan wasin wasin, tukuy lugarkunata rir ima yaĉhachikuqllapa (liyiy Hechos 5:42; 17:17). Kay tiempopipis Jesús yaĉhachikushanta rurar kawsaqkunaqa tukuy runakunata Diosmantaqa parlanllapa. Tukuy runakunata kusalata munar, tiemponta urqur rir yaĉhachinllapa Bibliamanta, Diosqa achka bendicionkunata apamunqa nir (Marcos 12:31).
MAS INTRAKASHUNLLAPA
Jesús yaĉhachikushanta rurar kawsaqkunaqa imatataq rurayanllapa wakin yanqa religionkunamantaqa.
4. Biblia niyashanta allita intrakanllapa
Punta cristianokunaqa Diospa palabranta kusalata munaqllapa.
Mana tukuy cristianokuna kani niqkunaqa, Bibliapa consejonkunata siguinllapachu. VIDEOTA rikayllapa, chaymantaqa kaykunamanta parlayllapa:
Achka iglesiakunaqa mana wakinkuna Jesús yaĉhachikushanmanta allita intrakananllapata munaranllapachu, ¿imanutaq ruraranllapa?
Jesusqa Diospa palabranmanta yaĉhachikuran. Liyiyllapa Juan 18:37, chaymantaqa kaykunamanta parlayllapa:
Jesús nishannu, ¿imatataq ruranllapa ʻchiqap kaqta intrakaqkunaqaʼ?
5. Bibliamanta yaĉhachikunllapa
Punta cristianokunaqa tukuy runakunata yaĉhachiqllapa.
Jesús manaraq cieloman riyar, yaĉhakuqninkunata tukuy runakunata Diosmanta yaĉhachinanllapapaq mandaran. Liyiyllapa Mateo 28:19, 20; Hechos 1:8 ima, chaymantaqa kaykunamanta parlayllapa:
¿Ima tiempokaman Bibliamantaqa yaĉhachikunanllapapaq karan? ¿Maykaman ĉhananllapapaq karan?
6. Biblia niyashanta rurar kawsanllapa
Uk runa Tom shutiq Diosta allita riqsiqkunata tarirqa kusalata alegriyaran.VIDEOTA rikayllapa, chaymantaqa kaykunamanta parlayllapa:
Videopi rikashanchiknu, ¿imapaqtaq chay runito Tom shutiqtaqa manana religionkunaqa gustaqchu?
¿Imapaqtaq Tomqa seguro karan Diospa pueblonta tarisha kani nir?
Yaĉhachikushanchikta rurar kawsanchikllapa. Liyiyllapa Mateo 7:21, chaymantaqa kaykunamanta parlayllapa:
¿Imataq mas Jesustaqa gustan: Diosta munayani nir rimanalatachu manaqachu Diosta allita kasunata?
7. Ukninllapa ukninllapa munanakunllapa
Punta cristianokunaqa ukninllapa ukninllapa kusalata munanakuqllapa.
Jesús yaĉhachikushanta rurar kawsaqkunaqa vidanmatapis hermanonkunapaqqa qukunllapa. VIDEOTA rikayllapa, chaymantaqa kaykunamanta parlayllapa:
¿Imapaqtaq hermanonchik Lloyd hermanonchik Johanssonta yanaparan?
¿Hermanonchik Lloyd Jesús yaĉhachikushanta rurar kawsanchu?
Liyiyllapa Juan 13:34, 35, chaymantaqa kaykunamanta parlayllapa:
Jesús yaĉhachikushanta rurar kawsaqkunaqa, ¿imanutaq uklaw lugarmanta runakunata rikanmanllapa?
Guerra katinmapis, ¿imanutaq Jesús yaĉhachikushanta rurar kawsaqkunaqa tukunmanllapa?
WAKINKUNAQA KAYNU YARPUNLLAPA: “Cristianokuna kani niqkunaqa saqra imakunata rurashallapa. ¿Imanuna Diosta allita adorayanqallapa?”.
¿Ima textowantaq allita intrachinkiman Jesús yaĉhachikushanta rurar kawsaqkunaqa kan nir?
KAYKUNATA YAĈHAKUSHANCHIK
Jesús yaĉhachikushanta rurar kawsaqkunaqa Jesús yaĉhachikushankunata siguinllapa, wakinkunapaq kusalata llakinllapa, tukuy runakunata Bibliamanta yaĉhachinllapa ima.
¿Imataq ninkiman?
Jesús yaĉhachikushanta rurar kawsaqkunaqa, ¿maymantataq yaĉhachikuyashankunataqa urqunllapa?
¿Imanu runakunataq Jesús yaĉhachikushanta rurar kawsaqkunaqa?
¿Imatataq rurar purinllapa?
MAS YAĈHAKUNAYKIPAQ
Riqsiy Jesús yupay kawsaqkunata, Jesús yaĉhachikushankunata ruraqkunata ima. Kay videota rikakuy.
Liyiy imanutaq uk monja Diosta allita serviqkunata tariran nir.
“Contestaron todas mis preguntas con la Biblia” (La Atalaya, 1 de abril de 2014)
Rikay imanutaq Jesús yaĉhachikushanta rurar kawsaqkunaqa ukninllapa ukninllapa yanapanakuyanllapa nir.
Ayudamos a nuestros hermanos cuando se produce un desastre (fragmento) (3:57)
Jesusqa yaĉhachikuran imanutaq payta siguiqkunaqa kanqallapa nir. Yaĉhakuy imanutaq punta cristianokunaqa kanan Jesús yaĉhachikushanta rurar kawsaqkuna yupay nir. Kaypi liyiy.
“¿Qué identifica a los cristianos verdaderos?” (La Atalaya, 1 de marzo de 2012)