LECCIÓN 03
¿Bibliabiga confiai pudinchillu?
Bibliabiga ashca promesaguna, consejogunadashmi tarinchi. Tal vez quiquinga ima yachachishcadallari yachanada munangui. Shinalladi dudagunadash charinguillari. ¿Ñaupa librobu promesagunabi, consejogunabi confiai pudinchillu? ¿Cunun funchagunabi, shamuj funchagunabi Bibliabi nishca shina alli causai tiyana gashcadaga crii pudinchillu? Millón gentegunami criin. Chai genteguna imamunda shina crishcada yachallunmi animanchi, shinami quiquinlladi ima cierto gashcada o na cierto gashcada rricui pudingui.
1. ¿Bibliabi nishcagunaga ciertollu pasashca?
Bibliaga “de verdad palabragunadaga” alli escribishca gashcadami nin (Eclesiastés 12:10). Punta tiempomunda ima tucushcada, genteguna de verdad tiyashcadashmi parrlan (Lucas 1:3 y 3:1, 2 da, liyi). Ashca estudiado gentegunaga Bibliabi nishcaguna, fechaguna, genteguna, lugargunabi ima tucushcaga de verdad tiyashcadami huillan.
2. ¿Ñaupa libro gajpish imamundadi Bibliabi confianchi?
Bibliaga ñauparashtimi huaquin cosasgunamunda siempremi huillarajushca, por ejemplo, cienciamundami parrlan. Incluso Bibliada escribijuj tiempoga diferente yuyaigunami cienciamunda tiyarca, pero cunun tiempobi cienciaga Bibliami verdadta huillashcada rricuchin. “Paibu shimigunaga verdad gajpimi cunun y para siempre confianalla gan” (Salmo 111:8).
3. ¿Shamuj funchagunabi ima tucunada Bibliabu nishcagunabiga imamundadi confiai pudinchi?
Bibliabiga “narij fajtarishca” profeciagunaa tiyashcadashmi huillan (Isaías 46:10). Ñaupa tiempomundami ima tucunadaga ñauparashtimi ña huillarajushca. Ashtaunbish cunun tiempogunabi ima tucunada huillashcaga igualitomi fajtarijun. Cai leccionbiga Bibliabu huaquin profeciaguna verdad gashcadami yachashun.
CAI TEMAMUNDA MÁS YACHASHUNCHI
Ciencia yachachishcaguna Bibliaun igual gashcada yachashunchi. Shinalladi, Bibliabu huaquin profeciagunadash rricushunchi.
4. Cienciaga Biblia verdadta yachachishcadami nin
Ñaupa tiempogunabi gentegunaga allpa pachaga ima jahuabish tiyajujtami crinajurca. VIDEODA rricui.
Job librodaga 3.500 huatabimi escribirca, chaibi ima nijta rricui. Job 26:7-da liyish, chaimunda parrlaichi:
¿Bibliaga cai allpa pachaga “nima jahuabi” na churashcallu gan nijpiga, imamundadi mancharinchi?
Recién 200 huatagunallami yacu imashina tucujta intindi pudirca. Pero rricui ashca huataguna huashamunga Bibliaga chaida ñami huillarca. Job 36:27, 28-da liyish, chaimunda parrlaichi:
¿Yacumunda cai explicaciondaga imamundadi ashtaun yachanada munangui?
¿Ña liyishca textogunaga Bibliabi ashtaun confiallun ayudanllu?
5. Bibliaga importante cosasguna pasanadaga huillarcami
Isaías 44:27-45:2-da liyish, chaimunda parrlaichi:
¿200 huataguna narij fajtarijpi, Babilonia llactamunda Bibliaga imadadi huillarca?
Historiabiga huata 539 Jesús narij shamujpimi Persia llactamunda Ciro shuti rey paibu soldadogunaun Babilonia llactada de verdad tucuchishcada huillan. Primero, Babiloniada pasaj yacudami chaquichinajurca. Chai jipaga, punguguna pascashca saquirishca gajpimi na peleash fácil yaicunajurca. Ñami 2.500 huataguna pasashca. Y cununga, Babilonia llactaga rrumi montonllami gajun. Shinaga Biblia ima nishcada rricui.
Isaías 13:19, 20-da liyish, chaimunda parrlaichi:
¿Cai profeciaga imashinadi fajtarirca?
Iraq llactabi Babilonia tucurishca llacta
6. Bibliaga cunun funchagunabi ima pasanadami huillarca
Bibliaga cai tiempodaga “tucuri funchaguna” ninmi (2 Timoteo 3:1). Cai tiempomunda ima nishcada rricui.
Mateo 24:6, 7-da liyish, chaimunda parrlaichi:
¿Tucuri funchagunamunda Bibliaga ima importante cosasgunamundadi huillarca?
2 Timoteo 3:1-5-da liyish, chaimunda parrlaichi:
Bibliabi nishca shinaga, ¿tucuri funchagunabiga ima laya gentegunadi causanga?
Cai textogunabi rricushca shinaga ¿ima laya gentegunadadi cununga rricungui?
HUAQUINGUNAGA NINMI: “Bibliaga ñaupa parrlogunalladami charin”.
¿Bibliabi ashtaun confiallunga imadi más ayudan?
RESUMEN
Ciencia, historia y profeciagunaga Bibliabi ashtaun confiai pudishcadami rricuchin.
Repaso
¿Bibliabi huillashcagunaga ciertoshi gan, o yanga parrlogunalla gan?
¿Cienciaga imashinadi Bibliabi yachachishcaga cierto gan nin?
¿Biblia shamuj funchagunabi ima tucunada huillajtaga quiquinga cringuillu? ¿Imamundadi shina yuyangui?
ASHTAUN YACHAI
Cientificoguna rricushca shinaga, ¿Bibliaga verdadtallu nin?
“¿Concuerda la Biblia con lo que ha descubierto la ciencia?” (Artículo de jw.org)
¿“Tucuri funchagunabi” gajushcadaga imadi rricuchin?
“Seis profecías bíblicas en pleno cumplimiento” (La Atalaya, 1 de mayo de 2011)
Grecia llactamunda Bibliabu profeciaguna imashina fajtarishcada rricui.
Shuj jari Bibliabu profeciagunamunda yachash, imashina crii callarishcada rricui.
a Profeciagunaga shamuj funchagunabi ima tucunada, Dios huillashca shimigunami gan.