JESÚS SHINA CAUSASHUNCHIJ
Muyundij Allpapi huillangapajmi organizados canchij
Jehová Diosca Israel llajtatami organizarca. Cunan punllacunapish paipaj munaita pajtachingapajmi paipaj pueblota organizan. Sucursalcunapish, congregacioncunapish muyundij Allpapi Diospaj Shimita huillachunmi ayudan. Tandanacuicunapipish ima shina huillanatami yachachin. Maijan huauqui panicunaca shujtaj shimita yachashpami predicancuna (Ap 14:6, 7).
¿Shujtaj shimita parlaj gentecunaman predicangapaj chai shimita yachanata yuyashcanguichu? Shujtaj shimita yachangapaj tiempota manachari charingui. Pero chai shimipi huillangapaj JW Language nishca aplicacionpimi huaquin yuyaicunata yachai tucungui. Jesusta punta catijcunaca shujtaj shimicunapi Yaya Diosmanta huillashpami cushilla carcacuna (Hch 2:7-11). Canpish shujtaj shimipi Diosmanta huillashpaca contentomi sintiringui.
JEHOVAPAJ AMIGO TUCUI: SHUJTAJ SHIMIPI HUILLAI NISHCA VIDEOTA RICUSHCA QꞌUIPA CAI TAPUICUNATA CONTESTAI:
¿JW Language aplicaciontaca imapajtaj utilizai tucungui?
¿Cai aplicacionpica imallataj tiyan?
Tucui laya shimita parlaj gentecunami Diosmanta uyanata minishtincuna.
¿Can causacun lugarpica ima shimicunatataj parlan?
¿Shujtaj shimita parlajcuna Diospaj Shimita yachanata munajpica imatataj ruranguiman? (od-S pág. 100 párrs. 39-41).