¿Jehová Diospi confiangapajca imatataj rurana canchij?

Davidca Diospi confiashcamantami Goliattaca misharca (1Sa 17:45). Cunan punllacunapish Jehová Diosca paita alli sirvijcunatami ayudasha nin (2Cr 16:9). Ñucanchij rurai tucushcacunapi o yachashcapi confianapaj randica, ¿ima shinataj Dios ayudanapi confiana canchij? Huaquin yuyaicunata ricushun.

• Diosta mañarashunchij. Ima juchacunata rurashca huasha Diosta mañashpapish, manaraj ima juchacunapi urmashpami Yayitu Dios ayudachun mañana canchij (Mt 6:12, 13). Shinallataj imata manaraj decidishpaca Dios ñucanchijman yachaita cuchunmi mañana canchij. Imata decidishcatapish bendiciachunmi mañana canchij (Snt 1:5).

• Bibliata cada punlla estudiashunchij. Chaipi tiyaj ejemplocunapi yuyashunchij. Ima yachashcatapish ñucanchij causaipi pajtachishunchij (Sl 1:2; Snt 1:23-25). Predicanaman rishpa ñucanchij experienciapi confianapaj randica alli prepararishunchij. Shinallataj tandanacuicunamanpish allichirishca rishunchij. Chashnami beneficiarishun.

• Jehová Diospaj organizacionta apoyashunchij. Diospaj organización imata rurachun mandajpica utca pajtachishunchij (Nú 9:17). Pushaj ancianocunapish ima consejota cujpica paicunata uyangapaj listos cashunchij (Heb 13:17).

CATIRASHPA LLAQUICHIJPIPISH AMA MANCHASHUNCHIJ NISHCA VIDEOTA RICUSHCA QꞌUIPACA CAI TAPUICUNATA CUTICHI:

• ¿Videopi ricurij huauqui panicunaca ima llaquicunatataj charircacuna?

• ¿Paicunaca ahuantangapajca imatataj rurarcacuna?