¿Imata estudiashcata yuyaringapajca imatataj rurana cangui?

¿Cunanlla yachashcata yuyarinaca sinchichu can? Tucuicunami imalla yachashcataca cungarinchijlla. Pero yachashcata yuyaringapajca importante yuyaicunatami repasana canchij.

Imata yachacushpaca ashtahuan importante yuyaicunapi yuyangapajmi tiempota surcuna canchij. Apóstol Pabloca pai cachashca cartata estudiacuj huauqui panicunatapishmi chaita rurachun animarca. Paica: “Caimantami ashtahuantajca parlacushcanchij” nircami (Hebreos 8:1). Chaita nishpaca apóstol Pabloca pai yachachishcacunata alli intindichun, ashtahuan importante yuyaicunata yuyarichunmi ayudarca.

Estudiashca huashaca imalla estudiashcata yuyaringapajmi diez minutosta o ñucanchij minishtishca tiempota surcuna canchij. Pero imalla yachashcata mana yuyarishpaca subtitulocunata o cada parrafopaj callari yuyaicunatami cutin liyina canchij. Shinallataj mushuj yuyaicunata estudiashpaca chai yuyaicunata ñucanchij propio palabracunapi explicangapajmi esforzarina canchij. Shinami imalla estudiashcataca jahualla yuyarishun. Shinallataj chaicunata ñucanchij causaipi ima shina pajtachinatapishmi yachashun.