¿Shamuj punllacunapica imashi tucushun?
¿Causaica...
... chashnallatajchu canga?
... llaquillachu canga?
... allichu canga?
BIBLIACA NINMI
‘Diosca paicunapaj ñahuicunamantaca tucui huiquitami pꞌichanga. Huañuipish, huacaipish, llaquipish, nanaipish ña mana tiyangachu’ (Apocalipsis 21:4, Biblia en Quichua Chimborazo, 1989).
CAITA CRINACA ¿IMA SHINATAJ AYUDAN?
Cushichij, alli trabajotami charishun (Isaías 65:21-23).
Llaquicunata, ungüicunata mana charishunchu (Isaías 25:8; 33:24).
Familiahuan, amigocunahuan cushillami causashun (Salmo 37:11; Proverbios 2:21).
¿BIBLIA YACHACHISHCATA CRINACHU CANCHIJ?
Ishqui yuyaicunata ricushun:
Diosca pai nishcata pajtachi tucunmi. Diostaca achca poderta charishcamantami Bibliapica “Tucuita Rurai Tucuj” nin (Apocalipsis 15:3). Allpapi alli causaita cusha nishpaca pajtachingatajmi. Bibliaca ninmi: ‘Taita Diosca imatapish rurai tucunmi’ nishpa (Mateo 19:26). Chaimantami alli causai tiyanata crinchij.
Diosca pai nishcata pajtachina munaitami charin. Diosca huañushcacunata causachina munaitami charin. Bibliapimi chashna yachachin (Job 14:14, 15).
Diospaj Churi Jesuspish ungushcacunata jambishcatami Bibliaca yachachin (Marcos 1:40, 41). Ima shinami Jesusca gentecunata ayudarca, shinallatajmi Yaya Diospish gentecunata ayudana munaita charin (Juan 5:19).
Shinaca Yaya Diospish Jesuspish shamuj punllacunapi gentecuna alli causachunmi munan (Salmo 72:12-14; 145:16).