¿Huañushcacunaca causaringachu?
¿Imatataj ninguiman...
... ari?
... mana?
... imachari?
BIBLIACA NINMI
‘Huañushcacunataca Dios causachingami’ (Hechos 24:15, Biblia en Quichua Chimborazo, 1989).
CAITA CRINACA ¿IMA SHINATAJ AYUDAN?
Shuj familia huañujpi mana yallitaj llaquirishunchu (2 Corintios 1:3, 4).
Huañunata mana manchashunchu (Hebreos 2:15).
Huañushca familiacuna causarinatami tucui shunguhuan crishun (Juan 5:28, 29).
¿BIBLIA YACHACHISHCATA CRINACHU CANCHIJ?
Quimsa yuyaicunata ricushun:
Diosmi causaita callarichirca. Bibliapica Jehová Diosmi ‘causaita, samaita cun’ ninmi (Hechos 17:24, 25; Salmo 36:9). Tucuicunaman causaita cungapajmi poderta charin. Huañushcacunata causachingapajpish poderta charinmi.
Ñaupaca Diosca ñami huañushcacunata causachirca. Bibliapica 8 huañushcacunata causachishcatami parlan. Cꞌari o huarmi cajpipish, mashna huatata charijpipish cutin Allpapi causachunmi causachirca. Huaquincunataca huañushca qꞌuipallami causachirca. Cutin shuj cꞌaritaca chuscu punlla qꞌuipami causachirca (Juan 11:39-44).
Diosca huañushcacunata causachinatami munan. Jehová Diosca huañuitaca pꞌiñanmi (1 Corintios 15:26). Huañuita chingachina munaita charishcamantami huañushcacunata causachinga. Paipaj yuyaipi cajcunataca Allpapi causachunmi causachinga (Job 14:14, 15).