¿Ima shinataj familiaca cushilla causai tucun?

BIBLIACA NINMI

‘Dios ima nishcata uyashpa cazujcunaca cushicunmi’ (Lucas 11:​28, Biblia en Quichua Chimborazo, 1989).

CAITA CRINACA ¿IMA SHINATAJ AYUDAN?

Cꞌuyaita ricuchishpami causashun (Efesios 5:​28, 29).

Respetota ricuchishpami causashun (Efesios 5:​33).

Cushillami causashun (Marcos 10:​6-9).

¿BIBLIA YACHACHISHCATA CRINACHU CANCHIJ?

Ishqui yuyaicunata ricushun:

• Diosmi familiata callarichirca. Bibliapica Diosmi familiata callarichirca nishpami yachachin (Génesis 2:​18-24). Caita yachanaca ¿imamantataj alli can?

  Shuj chimbapuraita churashun: mishqui micunata micucushcanguiman. Chai micunapi imallata churashcatami yachasha ningui. ¿Pitataj tapunguiman? Yanujtami tapunguiman ¿nachu?

  Shinallataj, familiapi cushilla causangapajca, familiata callarichij Jehová Diostami imata ruranata tapuna cangui.

• Diosca ñucanchijmanta preocuparinmi. Canpish cambaj familiapish Bibliapimi Jehová Diospaj consejocunata mashcana canguichij. Bibliapica ninmi: “Diosca cancunataca cuidaracunmi” nishpa (1 Pedro 5:​6, 7). Jehová Diosca familiacuna alli causachunmi munan. Pai cushca consejocunaca tucuipimi ayudan (Proverbios 3:​5, 6; Isaías 48:​17, 18).