Parte 9-pica caitami yachagrinchij

Cai partepica huahuacunapish, profetacunapish, reycunapish Jehovapi tucui shunguhuan crishcatami yachashun. Israelmanta shuj jovencitaca Diospaj profeta Siria llajtapi Naamán runata jambinatami crirca. Eliseopish contra soldadocunamanta Dios cuidanatami crirca. Cutin sacerdotecunata mandaj Jehoiadaca huañunata yachashpapish uchilla Jehoastaca paipaj millai abuela Ataliamantami cuidarca. Rey Ezequiaspish Jerusalenta Dios quishpichinata crishpami asiriocunata mana mancharca. Shinallataj rey Josiasca yanga dioscunatami Judamanta anchuchirca. Diospaj huasitapish allichishpami judiocuna cutin Jehovata adorachun ayudarca.