Cuerpo Gobernantepi sirvij mushuj huauqui

MIÉRCOLES 24 de enero de 2018 huatapimi Estados Unidos y Canadá Betelcunapi sirvij huauqui panicunamanca shuj anunciota curcacuna. Kenneth Cook huauquita Cuerpo Gobernantepi sirvichun nombrashcatami huillarcacuna.

Kenneth Cook huauquica Pensilvania (Estados Unidos) llajtapimi huacharirca. Chai llajtallapitajmi huiñarca. Colegiota tucuchina ñaupallami shuj compañeroca Diosmanta predicarca. Paica 7 de junio de 1980 huatapimi bautizarirca. Cutin 1 de septiembre de 1982 huatapimi precursor regular shina sirvi callarirca. Ishqui huatacuna qꞌuipaca Betelpi sirvichunmi invitarcacuna. Chaimi Wallkill (Nueva York) Betelpica 12 de octubre de 1984 huatapi sirvi callarirca.

Kenneth Cook huauquica 25 huatacunatami Betelpica imprentapi y shujtaj asignacioncunapi trabajarca. 1996 huatapica Jamie shuti panihuanmi cazararca, ishquindijmi Betelpi sirvi callarircacuna. 2009 huatapica Centro Educativo de la Watchtower Patterson llajtapi sirvichunmi cacharcacuna. Chaipimi departamento de Correspondencia de Redaccionpi trabajai callarirca. Abril de 2016 huatapica cutinllatajmi Wallkill betelman tigrarcacuna. Pero qꞌuipaca Brooklyn llajtapi sirvichunmi asignarcacuna. 5 quillacuna qꞌuipaca Warwick llajtapi caj central mundialpi sirvichunmi asignarcacuna. Enero de 2017 huatapica Comité de Redaccionpi ayudachunmi nombrarcacuna.