Bibliataca cada uno ashtahuan alli estudiashunchij

¿IMAMANTATAJ MINISHTIRISHCA CAN? Bibliata alli estudiashpami “chainijta, cainijta, ucujta, jahuajta” mashcacuj shina Diospaj alli yachaita charishun (Ef 3:18). Shinallataj cai millai mundopica mapa illaj, pi mana juchachipaj, alli shungumi cashun. Bibliata yachanatapish manataj saquishunchu (Flp 2:15, 16). Bibliata yachacushpaca cada unomi imamanta yachanata minishtishcata agllai tucunchij. ¿Bibliata liyingapaj, alli estudiangapajca imatataj rurana canchij?

¿IMATATAJ RURAI TUCUNCHIJ?

• Bibliata yachacushpaca huaquin versocunataca señalashpa o escribishpami ñucanchij telefonopi o Bibliapi chari tucunchij.

• Bibliata estudiacushpaca pimanta parlacushcata, ima hora chai tucushcata, maipi chashna tucushcata, imamanta chashna tucushcatami tapurina canchij.

• Bibliamanta shuj temata o shuj versota alli intindingapajca ñucanchij charishca publicacioncunapimi mashcana canchij. Chashnami imata yachacushcataca alli intindishun.

• Liyicushpaca chai yuyaicuna ñucanchijta ima shina beneficiashcatami alli yuyana canchij.

• Imata yachashcataca ñucanchij causaipimi pajtachina canchij (Lu 6:47, 48).

BIBLIAPI NISHCATA CRINGAPAJCA ALLIMI ESTUDIANA CANCHIJ NISHCA VIDEOTA RICUSHCA QꞌUIPA CAI TAPUICUNATA CONTESTAI:

• ¿Bibliamanta estudianataca huaquincunaca imatataj yuyan?

• ¿Bibliata estudiai callaringapajca imamantataj Diosta mañana canchij?

• ¿Bibliapi tiyaj versocunata alli intindingapajca imatataj rurai tucunchij?

• ¿Bibliata estudiacushpaca ima shinataj señalcunata churai tucunchij?

• ¿Bibliata estudiacushpaca imamantataj cutin cutin yuyana canchij?

• ¿Bibliapi yachashcahuanca imatataj rurana canchij?