¿Imamantataj guerracunaca tiyashpa catin?

JUCHAMANTA

Diosca Adán y Evataca paiman rijchajtami rurarca. Chaimantami paicunaca cꞌuyaita ricuchi tucurcacuna, tranquilo causaitapish charircacuna (Génesis 1:27; 1 Corintios 14:33; 1 Juan 4:8). Pero paicunaca Diosta mana cazushpami juchapi urmarcacuna. Ñucanchijpish paicunapaj huahuacuna cashcamantami juchayuj tucushpa huañunchij (Romanos 5:12). Juchayujcuna cashcamantami pꞌiñanacuna yuyaicunata charinchij, mana alli ruraicunatapish ruranchij (Génesis 6:5; Marcos 7:​21, 22).

GOBIERNOCUNAMANTA

Diosca gentecunataca shujtajcunata mandachunca mana rurarcachu. Jeremías 10:​23-pica: “Pipish quiquin causaitaca mana mandai tucunchu” ninmi. Chaimantami gobiernocunaca guerracunata, pꞌiñanacuicunataca mana tucuchi valincuna.

SATANASMANTA, DEMONIOCUNAMANTA

Bibliapica “tucui cai pachataca Diablomi mandacun” ninmi (1 Juan 5:19). Millai Satanasca huañuchijmi can (Juan 8:44). Satanaspish, paipaj demoniocunapishmi gentecunamanca macanacuicunata, pꞌiñanacuicunata callarichichun yuyaita cun (Apocalipsis 12:​9, 12).