Bibliapi shujtaj versocunatapish mashcai

Ñucanchij Bibliapica huaquin palabracuna chaquipimi uchilla letritacuna tiyan. Chai uchilla letritacunaca ashtahuan intindichij shujtaj versocunata mashcangapajmi can. Imprimishca Bibliata charishpaca chai uchilla letritacunaca página chaupipimi can. Chai uchilla letritacuna ladopi tiyaj versocunatami mashcai tucungui. Cutin jw.org paginapi Bibliaman yaicushpa o JW Library^® aplicacionpi Bibliata charishpaca uchilla letritacunapi llapishpami shujtaj versocunata ricui tucungui.

¿Uchilla letritacuna ladopi caj versocunaca imallamantataj parlan?

Huaquin versocunaca chaillamantatajmi parlan. Por ejemplo, 2 Samuel 24:​1-pi tiyaj uchilla letritaca 1 Crónicas 21:​1-manmi apan. Chai ishqui versocunapica David shuj censota rurashcatami parlan.

Maipica pi imata parlashpaca shujtaj versopi ima nishcata japishpami parlan. Chai uchilla letritacunaca maijan versomanta japishcatami ricuchin. Por ejemplo, Mateo 4:​4-pi Jesús nishcacunaca Deuteronomio 8:​3-mantami japishca can.

Shinallataj uchilla letritacuna ladopi tiyaj huaquin versocunaca shuj profecía ima shina pajtarishcatami ricuchin. Por ejemplo, Zacarías 9:​9-pi tiyaj profeciaca Mateo 21:​5-pi ima shina pajtarishcatami huillan.