Guerracunamantami llaquicuna tiyan

Gran Bretañamanta, Gary runaca: “Guerra tiyajpica tucui tiempomi gentecunata huañuchijta, chugrichijta ricunchij. Chaimi mana tranquilo sintirinchij” ninmi.

Colombiamanta, Wilmer runaca: “Ñucataca huashapi, ñahuipimi balahuan chugrichircacuna. Huahuacunata, abuelitocunata, achca gentecunata huañuchijtami ricurcani. Chashna llaquicunata ricushpapish ñucaca mana llaquirircanichu” ninmi.

Estados Unidosmanta, Zafira shuti huarmica: “Ñuca ñaupajpi pita pistolahuan disparashcataca manataj cungari tucunichu. Pai ima shina caparishcata, pai ima shina sufrishcataca ñuca yuyaimantaca mana anchuchi tucunichu” ninmi.

Ucraniamanta, Alexsandraca: “Ñucatapish, ñuca familiatapish, ñuca amigocunatapish huañuchinatami mancharcani. Chaimantami ñucaca ña mana nunca cushilla causashachu nishpa yuyarcani” ninmi.

Tayikistanmanta, Daler shuti runaca: “Micunitata japingapajca 2 de la mañanamanta 11 de la nochecamami filapi shuyana carcani. Chaipi cajpi shuj bala japishpa ñucata huañuchinatami achcata mancharcani” ninmi.

Ruandamanta, Mariaca: “Guerra tiyashcamantami ñuca yaya mamaca huañurca. Chaimantami ñucata cuidaj, ñucata animajca pi mana tiyarca” ninmi.