PIWANPAS RIMAYTA QALLARISPA
6 YACHACHIKUY
Mana manchakuspa willakusun
Bibliapim nin: “Diosninchikmi mana manchakuq kanaykupaq kallpanchawarqaku, chaynapim [ . . . ] Diosmanta sumaq willakuyta willarqaykiku”, nispa (1 Tes. 2:2).
¿Imatam Jesus ruwarqa?
1. Qawaykuy VIDEOTA utaq leeykuy Lucas 19:1-7 nisqanta. Chaymantañataq qatiqnin tapukuykunapi yuyaymanay:
¿Imanasqataq wakin runakunaqa Zaqueota mana rimapayaqkuchu?
¿Imanasqataq Jesusqa Zaqueomanpas Diosmanta willarqa?
¿Imatam Jesusmanta yachachwan?
2. Pimanñapas Diosmanta willanapaqqa mana manchakuqmi kananchik.
Jesusta qatipakuy
3. Jehova Diospi hapipakuy. Jehova Diosqa atiyninwanmi Jesusta yanaparqa pimanñapas willananpaq, chaynam qamtapas yanapasunki (Mat. 10:19, 20; Luc. 4:18). Diosta mañakuy manchakusqayki runakunatapas rimapayanaykipaq (Hech. 4:29).
4. Amayá manchapakuychu. Wakinpiqa manchapakuchwanmi qullqisapa runaman, religionniyuq runaman, estudioyuq runaman utaq piñallaña uyayuq runaman asuykuspa Diosmanta willayta. Ichaqa amayá qunqaychu:
Jehova Dioswan Jesusqa yachankum runakuna imayna sunquyuq kasqankuta, ñuqanchikmi ichaqa mana.
Jehova Diosqa pitañapas llakipayaykuspanmi asuykunanpaq yanapanman.
5. Mana manchakuq kaspapas allinta tantiay (Mat. 10:16). Respetowan rimay, ama kutipakuychu. Mana uyariy munasqanmanta utaq imapas pasarusunaykimanta cuentata qukuspaykiqa respetowan rimayta tukuruspayki hawkalla pasakuy (Prov. 17:14).