Mana manchakuspa hinalla willakusun Bibliamanta
1 Diosta serviqninkunam yachanchik, manam llapallan runakunachu uyarinqaku predicasqanchiktaqa (Mat. 10:14). Wakinkunapa mana uyarisqankuwanqa, ichaqa ama harkachikusunchikchu allin noticiakunamanta predicayninchikpi (Pro. 29:25). ¿Imataq yanapawachwan Bibliamanta valorwan hinalla rimanapaq?
2 Apóstol Pablom musyarqa ancha valorniyoq ‘Señor Jesucristota reqsisqanrayku’ kasqanta, chayraykum “cheqaptapuni convencesqa” rimananpaq kallpanchakurqa (Fili. 3:8; 1 Tes. 1:5). Karqam wakinkuna mana valorniyoqta hina rimasqanta uyariqkuna, chaywanpas payqa reqsirqan “Dios atiyninwan salvan llapallan iñiqkunata” (Rom. 1:16). Chayna kaspapas, cheqnikuqninkunapa qayllanpim hinalla “mana manchakuspa Diospa kuyakuyninmanta willakuqku” (Hech. 14:1-7; 20:18-21, 24).
3 Maymanta lloqsimuq kallpanchik: Manam kikinpa kallpanwanchu, mana manchakuywanqa Pabloqa predicarqa. Silasmantawan kikinmanta rimaspanmi, qellqarqa: “Filipos llaqtapi kamisqa ñakarichisqa kachkaptiykupas Diosninchikmi kallpanchawarqaku chaymi mana manchakuspa willarqaykiku Diosmanta allin noticiata, willarqaykikumá achkallaña runakuna contraykupi sayarichkaptinkupas” (1 Tes. 2:2; Hch. 16:12, 37). Chaymantapas Roma llaqtapi Pablo preso kaspanmi mañakurqa, paymantapas kaqllata mañakunankupaq allin noticiakunata ‘mana manchakuspa’ hinalla willakunanpaq (Efe. 6:18-20). Jehová Diospi hapipakusqanraykum payqa valorwan Bibliamanta hinalla rimarqa (2 Cor. 4:7; Fili. 4:13).
4 Chaynallam kunan punchawpas. Llamkayninpim huk wawqenchik Jehová Diospa Testigon kasqanta reqsichikunanpaqmi sasachakurqa maypi kaspa predicanapaqpas, chayraykum predicayta qallarirqa Diosta mañakuspam. Qallariypiqa huk llamkaqmasinmi mana uyariyta munasqachu, ichaqa wañuqkuna hatarimunanmanta rimaykuptinmi Biblia estudiaytaña qallarirqa. Chaymantapacham, maypi kaspapas wawqenchikqa predicarqa. Huknin llamkayninpim 34 runakunata bautizakunanpaq yanaparqa chunka tawayoq watapi. Chaynallataqmi Jehová Diospas kallpanchawasunchik, ‘Bibliamanta mana manchakuspa hinalla rimanapaq’ (Hech. 4:29).