Waqaychanapaq

Diosta servinankupaq hina estudiota qosun

Reinopaq Servicionchikpi akllasqa yachaykunam tarikun kay yanapakuypi, imaynatam Diosta servinankupaq hina estudio qonapaq. Kallpachawanchikmi waqaychanapaq chaymanta estudiota qospa kaqllamanta qawaykuspa yuyarinapaq. Chaymantapas predicacionpaq huñunakuypipas yanapawanchikmanmi kaqllamanta qaway, chaynallataqmi serviciopaq ancianotapas yanapanmanmi discurso qonanpaq estudio de libro huñunakuyta watukuptin.

Huk kaq parte: ¿Imam estudio qoy?

Bibliallawan otaq wakin qellqakunamanta Bibliawan ordenninpi sapa kuti pisillatapas yachachispaqa, ñam estudiotaña qochkanki. Sichum rimarunkiña imayna estudio rurakusqanta chaymanta iskay kutitañataq yacharachinki hinaspa musyarunkiñataq yachay munasqanta, informawaqñam estudiota hina (km-QUA 7/04 pág.1).

Yanapawananchikpaq qellqakuna

◼ ¿Imatam Dios munan ñoqanchikmanta?

◼ El conocimiento que lleva a la vida eterna

◼ Adoremos al único Dios verdadero

◼ Podemos ser amigos de Dios. Kaywanqa yanapanchikmanmi mana leeqkunata hinaspa mana ancha yachayniyoqkunatapas.

Iskay kaq parte: Estudio qonapaqqa preparakunam

Estudiantepa sonqonman chayananpaq hinam yachachina yachachiykunata. Chaypaqa, payta yanapananpaq hinam ancha allintam preparakuna (km-QUA 8/04 pág.1).

Imaynatam preparakuna

◼ Qaway leccionpa otaq capitulopa titulonkunata chaymanta dibujonkunatapas.

◼ Qellqasqa tapuykunapa kutichiyninta tarispaqa marcaruy yanapawaqninchik rimaykunallata.

◼ Mana qellqasqa textokunata akllay, yachachispa leenaykipaq. Qellqapa patankunapi pisillapi qellqaykuy.

◼ Allin yachaykunata tukupayninpi pisillapi tapunaykipaq preparay.

Paypaq hina lección kachun

◼ Estudiantepaq chaymanta necesitasqanman hina mañakuy.

◼ Ñawpaqmanta piensariy ima yachaykunam sasachanman yachayninta.

◼ Tapukuy: “¿Espiritualpi wiñananpaq imakunatam yachanan hinaspa rurananpas? ¿Sonqonman imaynatataq chayayman?”.

◼ Bibliamanta textota otaq wakin yachaykunata allinta yachananpaq, tapuykunata otaq ejemplokunata ruraspayki yanapay estudianteta.

Kimsa kaq parte: Bibliawan allinta yanapasun

Runamasinchikta Bibliawan yachachispaqa Cristopa “qatiqninkunaña kanankupaqmi” yachachinchik, chaypaqmi yanapanchik yachanankupaq Diospa nisqanta chaskinankupaq hinaspa rurayman churanankupaq (Mat. 28:19, 20; 1 Tes. 2:13). Chaypaqmi, Bibliaman hina yachachinanchik (km-QUA 11/04 pág. 4).

Bibliapi takyachun yachachisqayki

◼ Kikin estudiantepa Biblianpi yachachiy textokuna maskayta.

◼ Textokunapi takyaq iñisqanchikkunata maskaspa hinaspa estudiaspa yachachiy.

◼ Tapuykunata ruray. Textokunamanta estudiante explicasunayki ama qamchu.

◼ Huk textomanta llapanta yachachispaqa, amayá sasachaychu yachasqanta. Yachananpaq hina yachaykunallata yachachiy.

◼ Rurayman churananta qawachiy. Kawsayninwan tupaq textokunata rikuchiy yanapananpaq.

Tawa kaq parte: ¿Imaynatam estudianteta yachachina preparakunanpaq?

Estudianteqa utqayllam espiritualmente wiñanqa sichum puntamantapacha leccionta leenqa hinaspa marcanqa, entiendesqanman hina kutichinanpaq. Chayraykum sapa kuti estudianapaq rimasqaña kaptinqa kuska leccionta preparakuychik imayna kasqanta yachachinapaq. Aswan llapanpiqa allinmi kanman enteron capitulota otaq huk leccionta estudiay (km-QUA 12/04 pág. 1).

Imakunatam marcanman hinaspa qellqanmanpas

◼ Estudianteta yachachiy qellqasqa tapuykunapa kutichiynin tariyta.

◼ Yachachinapaq qellqaykipi yanapaq yachaykunalla marcasqaykita rikunanpaq qawachiy.

◼ Musyarinanpaq yanapay sapa texto imaynam tupan parrafopi yachachisqankunawan, chaymantapas entiendesqanta yachachiy qellqampa patankunapi pisillapi qellqananpaq.

Imakunamantam yachanqa, imakunamantataq yuyarinqapas

◼ Puntamanta preparakunanpaqqa yachachiy estudianteta, capitulopa otaq leccionpa titulonkunapi, dibujonkunatapas qawarinanpaq.

◼ Allin yachaykunata kaqmanta yuyarinanpaq, kallpanchay preparakusqanpa tukuyninpi rurananpaq.

Pichqa kaq parte: Haykatataq estudiopi yachachichwan

Hayka estudianankupaqpas tanteanankum yachachiqpas, estudiantepas imayna yachayninku chaynallataq tiemponku kasqanman hina (km-QUA 1/05 pág. 1).

Estudiantepa iñiynin takyananpaq churay allin yachaykunata

◼ Estudiantepa yachayninta ama sasachaychu utqayman yachachispa.

◼ Tiempota qokuy estudiante allinta entiendenanpaq hinaspa yachasqanta chaskinanpaq.

◼ Ima textokunapi takyaq yachaykunata yachachinaykipaq tiempota qokuy.

Yachachisqallanchikmanta rimasun

◼ Sichum estudiante kikinpa asuntonkunamanta anchata rimanqa, ichapas allin kanman estudio tukuytaña rimanapaq.

◼ Yachachispaqa ama achkatachu rimay. Allin cheqap yachaykuna yachananta ama harkaychu mana yanapaq piensaykunata otaq imakunamantapas willaspa.

Soqta kaq parte: Estudiante tapuptin

Bibliata ña yachachispaqa allinmi ordenninpi yachachiy, manaraq huk temaman yaykuchkaspa. Chaynata ruraspanchikmi takyachinchik cheqap yachaypi hinaspa espiritualpi wiñanqa estudianteqa (km-QUA 2/05 pág. 6).

Musyariq kay

◼ Sichum tapuyninkuna tupanqa yachachisqanchikwan, chayllam kutichinanchik.

◼ Sichum yachachiptinchik tapukunqa mana tupaq tapuykunata otaq sasa niraq kutichinata, allinmi kanman huk kutipiña kutichichwan. Chaytaqa qellqarunanchikmi.

◼ Sichum wakin creesqanchikpi estudiante sasachakunqa entiendeyta, allinmi tupaq yanapakuykunawan yachachiy.

◼ Chaywanpas mana entiendeptinqa, chay tapusqanta saqey huk kutipaq hinaspa hinalla yachachiy.

Ama yachaqtukuqchu kay

◼ Tapukuypa kutichiyninta mana atispaqa, ama rimaychu mana yachaspaqa.

◼ Allillamanta yachachiy estudianteta kikinmanta yachaykunata maskananpaq.

Qanchis kaq parte: Estudiopi orana

Biblia estudiaq espiritualmente wiñananpaqqa, Jehová Diospa yanapakuynintam necesitan. Chayraykum sapa kuti estudianapaq rimasqaña kaptinqa allinmi kanman oracionwan qallariy chaymanta tukuypas (km-QUA 3/05 pág. 4).

Yachachispaqa imaynatam mañakuywanña qallarichwan

◼ Religioso runamasinchikwanqa puntamantam mañakuywanña estudiota qallarichwan.

◼ Wakinkunawanqa maskananchikmi haykapim mañakuywan qallarichwan.

◼ Imaraykum mañakusqanchikta yachachinapaqqa, kay textokunawanmi yanapachikuchwan, 1 Juan 5:14 chaymanta Salmo 25:4, 5.

◼ Imaraykum Jehová Diosta mañakuna Jesucristopa sutinpi yachachinapaqqa, leechwanmi Juan 15:16 nisqanta.

Imatam oracionpi mañakuna

◼ Jehová Diosta hatunchay paymanta yachay hamusqanmanta.

◼ Estudiantepaq sientesqaykita qawachiy mañakusqaykipi.

◼ Jehová Diosman graciasta qoy llaqtanwan yanapawasqanchikmanta.

◼ Yachasqankunata kallpanchakuspa rurayman churasqanmanta, Jehová Diosta mañapuy yanapananpaq.

Pusaq kaq parte: Biblia estudiaqkunata Diospa llaqtanman pusasunchik

Bibliamanta yachachispaqa manam creesqanchikkuna yachachiyllachu, chaymantapas yanapananchikmi Jehová Diospa llaqtanpi kananpaq. Chaypaqqa sapaqchay sapa semana pisi minutollata Jehová Diospa llaqtanmanta yachachinaykipaq (km-QUA 4/05 pág. 8).

Congregacionpi huñunakuykuna

◼ Congregacionpi pichqa huñunakuymanta willay. Chaymanta estudio qallarisqaykimantapacha minkay hamunanpaq.

◼ Huñunakuykunapi allin yachasqanchikkunata willay.

◼ Watukuq superintendente anciano hamunanmanta, asambleakunamanta, Jesuspa wañukusqan punchaw yuyarinamanta, rikcharichiy sonqonta.

◼ Qellqanchikkunapa dibujonkunawan yanapachikuy, yachachinaykipaq imayna huñunakuyninchik rurakusqanta.

◼ Kallpanchay leenanpaq Los testigos de Jehová: ¿quienes son y qué creen?, nisqan folletota

Jehová Diospa llaqtanta agradecenanpaq qawachiy videokunata

◼ Los testigos de Jehová... la organización tras el nombre

◼ Toda nuestra asociación de hermanos

◼ Unidos gracias a la enseñanza divina

◼ Hasta los cabos de la Tierra

Isqon kaq parte: Imaynatam estudianteta yachachichwan maypipas predicananpaq

Bibliamanta yachasqankupi iñiyta qallarispaqqa, kallpanchakunqakum rimanankupaq (km-QUA 5/05 pág. 1).

Predicananpaq kallpanchay

◼ ¿Kanchu estudiantepa ayllunkuna chaymanta amigonkunapas estudioman invitamunanpaq?

◼ ¿Diospa allin willakuyninmanta ichapas yachayta munachkanku llamkaqmasinkuna, estudiaqmasinkunapas otaq reqsisqankunapas?

Yachasqankunamanta willananpaq yachachiy

◼ Estudiopi allin yanapaq yachaykunamanta tapuy: “¿Bibliawan imaynatam kay cheqap yachaykunata aylluykiman yachachiwaq?”.

◼ Jehová Diosmanta, munayninkunamanta rimaspaqa, yachachiy respetowan chaymanta kuyakuywan rimananpaq.

◼ Estudianteqa yachachinmanmi ayllunkunaman hinaspa amigonkunamanpas Bibliapi iñisqanchikkunamanta, rurasqanchikkunamanta, Los testigos de Jehová ¿quienes son y qué creen?, nisqan folletowan yanapachikuspa.

Chunka kaq parte: Imaynatam preparachwan Biblia estudiaqta wasin-wasinta predicananpaq

Estudianteqa ñam predicanmanña manaraq bautizakuchkaspa congregacionwan, sichum ancianokuna musyarunkuña Jehová Diospa kamachisqanman hina kawsaptinqa. (km-QUA 6/05 pág. 1).

Kuska preparakuychik

◼ Chayraq predicaqta yanapay, maypitaq tarinman predicananpaq allin yanapakuykunata.

◼ Runamasinchik uyarinanpaq chaymanta yanapananpaq hina rimaykunata yanapay akllananpaq.

◼ Predicacionpi Bibliawan yachachinanpaq kallpanchay.

◼ Predicacionpi sapakuti kaqlla sasachakuykunata tarispaqa, yachachiy cuidadollawan kutichinanpaq. Chaypaqqa kuska preparakuychik.

Kuska predicaychik

◼ Predicanapaq kuska preparakusqaykichikta puntata qam ruray, imayna rurasqaykita pay qawananpaq.

◼ Musyariy yachaynintapas imayna pay kasqantapas. Predicaptinchikqa allinmi kanman wakinpiqa estudiantepas kikinpuni pisillapi rimanman.

◼ Ruraysiy horariota sapa kuti predicananpaq.

Chunka hukniyoq kaq parte: Imaynatam Biblia estudiaqta yachachina revisitakunata rurananpaq

Revisitata chayllaraq watukuptinchikmi preparakuyqa qallarinña. Tukuy sonqowan uyariqninkunata yanapananpaq kallpanchay. Runapa rimasqanta uyarinanpaq chaymanta llakichisqanta musyarinanpaq pisi-pisimanta yachachiy (km-QUA 7/05 pág. 1).

Yapamanta kutinapaq preparakuy

◼ Punta watukusqaykita yuyarispa estudianteta yachachiy akllananpaq ima yachaykunatam runamasinchik munanman.

◼ Revisitata rurananpaq pisi yachachiyta kuska preparakuychik huk textota leenanpaq chaymanta parrafotawan leenanpaq.

◼ Maskaychik huk tapukuyta rimasqanchikpa tukuyninpi saqenapaq.

Allin llamkaq kayta yachachiy

◼ Yachay munaqkunaman chaylla kutinanpaq kallpanchay estudianteta.

◼ Mosoqmanta tarinanpaqqa, yachachiy sapakuti kutinanpaq.

◼ Yachachiy ima punchaw imay hora estudianankupaq rimayta, chaymantapas rimasqanman hina kutinanpaq.

Chunka iskayniyoq kaq parte: Biblia estudiaqkunata yanapasunchik Bibliamanta estudiokunata qallarinankupaq chaymanta qonankupaqpas

Predicacionpiqa ejemplo kananchik chaypaqqa ancha allinmi Jesús qatikuy. Estudianteqa musyarinanmi, bibliamanta estudio qallarinapaqmi revisitata ruranchik (km-QUA 8/05 pág. 1).

Estudiota munachispa

◼ Bibliamanta yachachispaqa estudianteta yachachiy manam allinchu llapanmanta rimayqa.

◼ Yaqa llapanpiqa allinmi kanman huk iskay parrafollawan yachachiy imayna estudio qoyta.

◼ Estudiokunata qallarinapaq, wakin yanapakuykunata yuyarispa practicay estudiantewan (qaway km-QUA 8/05 pág. 8 hinaspa km-S 1/02 pág. 6).

Yachachiq kananpaq preparay

◼ Escuela del Ministerio Teocrático nisqan huñunakuyman kallpanchay matriculakunanpaq.

◼ Estudiokunaman rispayki qampuni pusay mosoq predicaqta yachachisqaykipi pisillapipas yachachinanpaq.