¿Imaynatam yanapachwan?
1 Kaynatan sapakuti tapukunku Jehová Diospa testigonkuna kay pachapi maylawpipas hatun ñakariyta yachaspanku. Hechos 11:27-30 willakusqanman hina, punta kaq siglopi wawqe-paninchikkunam Judea llaqtapi iñiqmasinkunata yanaparqa hatun yarqaypi tarikuptinku.
2 Kunan punchawpas Diospa llaqtampa kamachikusqanman hinam qollqeta apachinchik allin ruraykunapaq runamasinchikkunatawan yanapanapaq, sinchi parawan nisyu lloqllakunapiwan ñakariptinku otaq huk rikchaq sasachakuykunawanpas.
3 Ejemplopaq, qayna watam achka wawqe-paninchikkuna qollqenkuta apachirqaku Asia nacionpi lamarqocha toqyaramuptin ñakariqkunata yanapanankupaq. Mana imata suyaspalla Diospa llaqtanman qollqe apachimusqaykichiktam sinchita agradecekamuykichik. Kunan, sichus kay qollqe apachimusqaykichik huk hatun sasachakuyllapi gastakunanpaq kaptinqa, huklaw nacionkunapa leyninmi kamachin chayllapipuni gastakunanpaq pisi tiempollapi, wawqe-paninchikkunapa necesitasqankuna kachkaptinraq otaq manañapas.
4 Chayraykum, mundontinpi predicacionpi yanapana kaqman qollqenchiktaqa apachinanchik runamasinchikkunata yanapanapaq. Kay qollqewanmi sasachakuypi kaqkunata yanapasunchik chaynapi wawqe-paninchikkunapa espiritual necesitayninkunatawan yanapanapaq. Mundontinpi predicacionpi qollqewan yanapachkaspapas runamasinchikkunata yanapanapaq sapaq qollqetaraq pipas apachiyta munaqqa, segurom kanan maypi necesitakusqanman hina gastakunanmantaqa. Agradecekamuykichikmanmi, chaypaq qollqekichikta apachimuspaykichikqa, ama niychikchu mayman qollqekichik rinantaqa nitaq imayna gastakunantapas.
5 Mundontinpi predicacionpi yanapanapaq kaqllaman qollqeta apachimuspaqa, aswanmi yapakunqa imapas Diospa munaychakusqanpi hina gastakunanpaq hamuq sasachakuykunallapaq churarayananmantaqa. Kayna rurayninchikmi tupan Efesios 4:16 nisqanwan: “kuyakuywan kallpanchakuspa sumaqta wiñananchik”, chaymi kallpanchawanchik hukllanchasqa llamkananchikpaq.