“Chaynatam qamkunapas rurankichik ñoqata yuyariwaspa”
Jesuspa wañukusqantam yuyarikunqa 2 abril punchawta
1. ¿Imatam yuyarisunchik 2 abril punchawta?
1 2 abril punchawtam enteron pachapi millonninpi runakuna huñunakunqaku Jesuspa wañukusqan punchawta yuyarinankupaq. Jesusqa Taytanpa kamachikuyninta defiendespan wañukusqanwanmi qawachirqa Diablopa nisqan llulla kasqanta, paymi nirqa: Runakunas Diosta servinchik imapas munasqanchikraykulla, nispa (Job 2:1-5). Jesuspa wañukusqanta yuyariyninchikqa qawachiwanchiktaqmi mana huchayoq vidanta ‘achka runakunapa rantinpi’ qosqanta (Mat. 20:28). Chaykunaraykum Señorninchik Jesucristo qatiqninkunata kamachirqa: “Chaynatam qamkunapas rurankichik ñoqata yuyariwaspa” (Luc. 22:19). ¿Diosman agradecekuq kayniki kallpanchasuchkankichu arreglokunata ruraspayki Jesuspa wañukusqan punchawta yuyarinaykipaq? (Juan 3:16.)
2. ¿Imaynatam preparakuchwan manaraq Jesuspa wañukusqanta yuyarichkaspa?
2 Preparakusun: Jesuspa wañukusqan punchawta yuyarinapaqmi preparakuchwan Jesuspa tukupay punchawninkunapi imapas pasakusqanmanta yuyaymanarispa (Esd. 7:10). Chaypaqmi sumaq arreglota rurakurun chay punchawkunapi Bibliata leenapaq Examinando las Escrituras diariamente 2007 nisqan folletota hinaspa Calendario de los testigos de Jehová 2007 nisqantapas servichikuspa. Leenapaq kay sumaq arreglo rurakusqanqa tupachkanmi Jesuspa wañukunan punchawkunapi imakunapas pasakusqanwan. Chay punchawkunamanta Bibliapi willakusqanqa judiokunapa calendarionpim takyan, chaypim punchawkunata yupayta qallarinku Inti seqaykusqanmanta paqarintin Inti seqaykunankama. Kay imayna yupana punchawkuna mana kaqlla kasqanmi tanteakurunña, chaytam qawanchik Jesuspa wañukusqanta yuyarinapaq punchawkunapi Bibliata leenapaq arreglo rurakusqanpi. Kayna preparakuyninchikmi hinaspa Jehová Diospa ancha kuyawasqanchikpi oracionwan yuyaymanayninchikmi yanapawasun Jesuspa wañukusqan punchaw huñunakuyta allintapuni entiendenapaq.
3. ¿Imaynatam yanapachwan Jesuspa wañukusqanta yuyarinapaq huñunakuyman hamuqkunatawan iñiyninkupi chiriyaruqkunatapas?
3 Hukkunata invitasunchik chay punchawman hamunankupaq: Febrero killamanta Reinopaq Servicionchikpim willakurqa sumaq arreglo rurakusqanmanta runamasinchikkunata invitamunapaq Jesuspa wañukusqanta yuyarinapaq huñunakuyman hamunankupaq. ¿Ñachu arreglota rurarunkiña kay sumaq arreglopi astawan predicaspa yanapakunaykipaq? ¿Piensarunkiñachu pikunatam invitamunki? ¿Paykunawan parlarichkankiñachu? Tukuy atisqaykita ruray chay punchawpi manaraq huñunakuy qallarichkaptin chaypi kanaykipaq, chaynapi invitasqaykikunatawan hukkunatapas chaskinaykipaq. Paykunawan ichapas tiyariwaq Bibliatawan takinata qonaykipaq mana kapuptinqa. Wawqe-paninchikkunaman reqsiykachiy. Huñunakuy tukuyta tiempota qokuy tapukuyninkunata kutichinaykipaq. 15 abril punchawpaq discurso especial huñunakuyman hamunankupaq invitay. Ancianokunam astawan kallpanchakunanku iñiyninkupi chiriyaruqkunaman Jesuspa wañukusqanta yuyarinapaq invitacionta qonankupaq chaynataq discurso especial nisqanman hamunankupaqpas.
4. Jesuspa wañukusqanta yuyarinapaq huñunakuy pasayta, ¿imaynatam runamasinchikkunata yanapachwan espiritualpi astawan wiñarinankupaq?
4 Yachay munaqkunatawan iñiyninkupi chiriyaruqkunata yanapasun espiritualpi wiñarinankupaq: Jesuspa wañukusqanta yuyarinapaq huñunakuymanta yachachiqmi pisillapi rimarinqa Bibliamanta estudiokuna qosqanchikmanta hinaspapas kallpanchananmi yachay munaqkunata Jehová Diosmanta hinalla yachanankupaq. Chay rimarisqankunatam servichikuwaq invitasqaykikunata astawan iñiyninkupi yanapanaykipaq. Manaraq Bibliata estudiaptinkuqa kay huñunakuy pasaq punchawkunallapi watukuy hinaspa qawachiy imaynatam Bibliamanta estudiota qonchik. Iñiyninkupi hinaspa Diosmanta yachayninkupi astawan wiñanankupaqmi huñunakuykunamanpas hamunanku (Heb. 10:24, 25). Chaynaqa, kallpanchay sapa kuti huñunakuykunaman hamunankupaq. Ancianokunam watukunanku Jesuspa wañukusqanta yuyarinapaq huñunakuyman iñiyninkupi chiriyaruq hamuqkunata, hinaspam yanapananku discursopa sumaq yachachiyninkunapi yuyaymanarinankupaq chaynapi mosoqmanta huñunakunankupaq.
5. ¿Imaynatam yanapawanchikman Jesuspa wañukusqanta yuyarinapaq huñunakuyninchik?
5 Jesuspa wañukusqanta yuyarinapaq huñunakuymi yanapawanchik ñoqanchikrayku Jehová Dios hinaspa Jesucristo rurasqanpi yuyaymanarinapaq. Chayna yuyaymanayninchikmi yanapawasun astawan kuyananchikpaq hinaspapas kawsayninchikpim yanapawasun (2 Cor. 5:14, 15; 1 Juan 4:11). Jesucristopa ‘wañusqanmanta willakusqanchikraykum’ kunanmantapacha chay punchawpaq preparakunanchik hinaspam hamuy munaqkunatapas preparakunankupaq yanapananchik (1 Cor. 11:26).