Photo by Zhai Yujia/China News Service/VCG via Getty Images
¡MAKILLA KASHAYCHIS!
Askha ladopin inundacionkuna pasashan | ¿Imaninmi Biblia chaymanta?
Kay pachapiqa askha llaqtakunapin inundacionkuna pasashan, wakinmi khaynata ninku:
“Qayna p’unchaykunallan China nacionpi sinchita pararqan, chay jinataqa manan ñaupaq watakunapiqa pararqanchu [...]. Sabadomanta miercoleskama sinchita parasqanraykun juj metro cuadradopi yaqa 800 litros unu jich’arikamurqan” (AP News, 2 de agosto de 2023).
“Jueves, viernes p’unchaykunatan Japón llaqtaq uray ladonpi sinchita wayra wayramurqan paramurqan ima tifón Khanun chayninta pasasqanrayku. Iskay runakunan wañupurqanku. [...] Sinchita paramusqanraykun juj metro cuadradopi 600 litros unu jich’arikunqa Taiwán llaqtapi cordillera central nisqapi” (Deutsche Welle, 3 de agosto de 2023).
“Kay semana tukuytan Canadá nacionpi Nueva Escocia nisqa llaqtapi sinchita pararqan, chay jawan chay llaqtapi askha inundacionkuna pasarqan, chay jinataqa manan 50 watakuna ñaupaqtaqa pasarqanchu” (BBC News, 24 de julio de 2023).
¿Imaninmi Bibliapi chaykuna pasasqanmanta?
Chaykunaqa tukukuy p’unchaykunapi kausashasqanchistan rikuchin
Bibliapin willawanchis tukukuy p’unchaykunapi kausashasqanchista (2 Timoteo 3:1). Jesusmi willarqanña kay tukukuy p’unchaykunapi “mancharikunapaq jina kaqkunata” rikunanchista (Lucas 21:11). Tiempoqa nishutan cambiashan, chay jawan qonqaylla wakin llaqtakunapi nishuta ruphayamushan wakin llaqtakunapitaq nishuta parashan.
Chaykunaq pasasqanmi rikuchin sumaq kausay chayamunanta
Bibliapi nisqanman jinaqa, tukuy chaykuna pasasqanmi rikuchin sumaq kausay chayamushasqanta, ¿imaraykun chayta ninchis? Jesusmi nirqan: “Chaykunaq pasasqanta rikuspaykichis yachaychis Diospa gobiernon qayllaykamushasqanta”, nispa (Lucas 21:31; Mateo 24:3).
Tukuy chaykunaq pasasqanmi rikuchin Diospa gobiernon kamachimunanpaq listoña kashasqanta. Chay gobierno kamachimuqtinqa controlanqan paratapas ruphaytapas wayratapas, chaymi necesitakusqanman jinalla para paranqa (Job 36:27, 28; Salmos 107:29).
Imaynatachus Diospa gobiernon jallp’anchista allichanqa chaymanta astawan yachanaykipaq qhaway “¿Quién salvará el planeta?” nisqa yachachikuyta.