2023 watapin ruphayqa tukuy ladopi astawanraq yapakushan | ¿Imaninmi Biblia chaymanta?

Kay watapin tukuy ladokunapi ruphay astawan yapakushan, chay jawan incendiokuna juj sasachaykunapas astawanraq yapakushan. Wakinmi kaykunata willanku:

• “174 watakuna ñaupaqmantan jallp’anchispi temperaturata medikuyta qhallarikurqan, chay medikusqanman jinaqa kay julio killapis jallp’anchispi ruphayqa astawanraq yapakusqa” (Oficina Nacional de Administración Oceánica y Atmosférica, Departamento de Comercio de Estados Unidos, 13 de julio de 2023).

• “Italia, España, Francia, Alemania, Polonia llaqtakunapin aswan fuerteta ruphay chayanqa. Sicilia, Cerdeña islakunapitaq temperaturaqa 48 grados nisqaman chayanqa, manan jayk’aqpas chay jinataqa ruphayqa chayarqanchu” (Agencia Espacial Europea, 13 de julio de 2023).

• “Jallp’anchis nishuta q’oñiripusqanraykun wakin ladokunapi astawanraq paranqa, chay jawataq askha inundacionkuna kanqa” (Stefan Uhlenbrook, director de la Sección de Hidrología, Recursos Hídricos y Criosfera de la Organización Meteorológica Mundial, 17 de julio de 2023).

Chay noticiakunata uyarispaqa llakikunkichá, ichaqa qhawarisun imatas chaykunamanta Biblia nin chayta.

¿Willarqanñachu Biblia nishuta ruphayamunanmanta sinchita paramunanmantapas?

Arí. Bibliapiqa willarqanñan kay tiemponchispi chaykuna pasananta. Jesusmi nirqan: “Runakunan rikunqaku mancharikunapaq jina kaqkunata”, nispa. Chaykunapin kashan nishuta ruphayamusqanpas, inundacionkuna kasqanpas (Lucas 21:11). Askha runakunan llakikushanku jallp’anchis nishuta q’oñirisqanmanta, ninkutaq: “Yaqachus jina runaqa jallp’ata mana tiyay atiyman tukuchipunqa”, nispa.

¿Qhepaman manañachu pipas kay jallp’api tiyapunqa?

Diosqa wiñaypaq kausananchispaqmi kay jallp’ataqa kamarqan, chaymi mana permitinqachu runakunaq thuninantaqa (Salmos 115:16; Eclesiastés 1:4). Aswanpas Diosqa prometenmi kay jallp’a malograqkunata chinkachipunanpaq (Apocalipsis 11:18).

Diosqa atinmi jallp’anchispi kaq wayratapas, paratapas, ruphaytapas controlayta, chaytataqmi ruwanqapas.

• Bibliapin nin: “[Diosqa] manchay wayratan llamp’uyachin, lamar-qochaq sinchi aytikusqantan sayachin”, nispa (Salmos 107:29). Diosqa atiyniyoqmi wayratapas paratapas ruphaytapas controlananpaq. Jallp’anchisqa nishu contaminasqan kashan, Diosmi ichaqa chayta allichanqa, chaymi manaña nishutachu ruphayamunqa, nishutachu paranqapas, nitaq nishutachu wayramunqapas.

• Bibliapin nin: “Qanmi jallp’ataqa sumaqta qhawarinki, allin jallp’amanmi, wanusapamanmi tukuchinki”, nispa (Salmos 65:9). Diosmi kay jallp’ata sumaq paraisoman tukuchinqa.

Imaynatas Diosninchis kay jallp’anchista sumaqta allichanqa chayta yachanaykipaq qhaway “¿Quién salvará el planeta?” nisqa yachachikuyta.