Jallp’anchisqa malograkapushanmi. ¿Imaninmi Biblia chaymanta?

2022 watapi 4 abril p’unchayta Grupo Intergubernamental de Expertos sobre el Cambio Climático nisqaq willasqanmantan Secretario General de las Naciones Unidas António Guterres nirqan: “Tiemponchisqa nishutan cambiapushan, kay jallp’anchista runakuna malograsqankurayku. Jatun llaqtakunatan unu millp’upunqa. Nishutan ruphay chayamunqa. Tukuy ladopin unu ch’akipunqa. Juj millón plantakuna animalkuna iman chinkapunqa. Kay willakuyqa manan cuentollachu, yachayniyoq runakunan chayta ninku gobiernokuna mana yanapakuqtinqa chaykuna pasananta”, nispa.

2022 watapi 15 junio p’unchaytan The New York Times nisqa periódico nirqan: “Científico runakunaq nisqanman jinaqa jamuq watakunapin kay tiempoq cambiasqanwan Estados Unidos nacionpi 423 munay jatun parquekuna malograkapunqa, ruphay yapakamusqanwanmi chayqa pasanqa. Lloqllakunan kanqa, rit’ikunan chullupunqa, lamar-qochakunan yapakunqa, nishu ruphaymi kanqa”, nispa. Chay periodicon nillantaq: “Yellowstone parquepi unuq wasapasqanpas jamuq tiempopi imakunachus pasanantan rikuchishan”, nispa.

¿Allichakunmanchu kay jallp’a? Chhayna kaqtinqa, ¿pin allichanman? Biblian chaymanta willashan.

Biblian kay jallp’a malograsqa kananta willarqanña

Biblian willan Apocalipsis 11:18 textopi Diosqa kay “jallp’a pacha malograqkunata ch’usaqman tukuchinanta”. Chay texton kinsamanta yachachiwanchis:

1. 1. Runakunan imaymana ruwasqankuwan kay jallp’ataqa malogrananku karqan.

2. 2. Kay jallp’aqa allichasqan kanqa.

3. 3. Diosllan atin runakunaq malograsqan jallp’ata allichayta.

Kay jallp’anchisqa manan chinkanqachu

Biblian willashan Eclesiastés 1:4 textopi “kay pachaqa wiñay-wiñaypaq kananta”. Runakunaqa chaypin kashallanqaku.

• Salmos 37:29 texton nin: “Chanin runakunan kay jallp’ataqa jap’ikapunqaku, paykunan wiñaypaq chaypi tiyanqaku”, nispa.

Kay jallp’anchisqa mosoqyachisqan kanqa.

• Isaías 35:1 texton nin: “Ch’in pampakunan, ch’aki jallp’akunan kusikunqa, aqo pampakunan kusisqa t’ikarinqa, azafrán t’ika jinan t’ikarinqa”, nispa.