2 Apoyarina

¿IMATA CAN?

Randimanda apoyarijcunaca, cusapash avionda manejajuj pilotashnami can. Huarmipash pilotota ayudashpa ladopi tiajunshnami can. Problemacuna ricurijpipash, na paicunapilla pensarinllu, ishcandipimi pensarin.

BIBLIAPICA NINMI: ‘Ishcai cashpapash shujlla cuerpo tucushpami causanajun’ nishpa (Mateo 19:6).

Cristianga ninmi: “Ali causangapaca ishcandillatami esforzarina can” nishpa.

¿IMAMANDATA MINISHTIRISHCA CAN?

Na apoyarij cusahuarmicunaca, problemacunata arreglanapa randica canmi culpata charingui nishpami pliturin. Shinami uchilla problemacunataca jatun problemaman tigrachinlla.

Anaca ninmi: “Cusahuarmicunaca maimandami ishcandillata apoyarina can. Na apoyarishpaca, jatun decisiongunapi na de acuerdo churarishpa cumba tucushpa causajcunallami canchiman” nishpa.

¿IMATATA RURAI USHAPANGUI?

PENSARIPAI

• Quiquin trabajashca culquica ¿ñucapallami can yapanguichu?

• Tranquilo, ali sintiringapaca ¿quiquinlla canatachu minishtingui?

• Quiquinba huarmi o cusa paipa familiahuan ali llevarijpipash ¿quiquinga paicunamanda caruyanatachu yachangui?

PARLARIPAICHI

• ¿Imacunapita ishcandillata apoyarishcanchi?

• ¿Imacunapita mejoraita ushapanchi?

• Ishcandillata apoyaringapaca ¿imatata rurana capanchi?

CAICUNATA RURAPANGUICHI

• Matrimonioca bolita pugllajui cuendami can. Ali cumbacunashna pugllangapaca ¿imatata rurai ushapangui?

• Quiquinlla imashina gananata pensanapa randica, ishcandi imashina gananatami pensana capangui.

Rubenga ninmi: “Pi culpata charishcata ricunapa randica cusahuarmi tranquilo, ali canami ashtahuan importante can” nishpa.

BIBLIAPICA NINMI: ‘Maijan cashpapash quiquinba ali cachunga, na yarinachu canguichi. Shujcunapapash ali cachunmi yarina canguichi’ (Filipenses 2:3, 4).