Jatun manllanai tamia tiashcamandaca ¿imatata yachajunchi?

Na cazujcunataca Diosca tucuchircami. Cutin, Noeta paipa familiataca salvarcami. Génesis 7:11, 12, 23

Diosca 40 punllacunata, 40 tutacunatami tamiachirca. Chai tamia yacucunaca Alpata tapashpami tucui gentecunata tucuchirca.

Diosta na cazuj angelcunaca paicunapa aichayu cuerpota saquishpami Diablota catirca. Cunanga ayacunami can.

Arca ucupicunallami salvarirca. Jipa punllacunaca Noepash paipa familiapash huañurcami. Shinapash, Dios paicunata causachijpica ña na huañungachu.

Diosca ñallami nali gentecunata tucuchishpa ali gentecunata salvanga. Mateo 24:37-39

Diablopash ayacunapash gentecunata pandachingapa munanmi.

Cunambipash ashtaca gentecunaca Noepa tiempopi shinami Jehovata na cazungapa munan. Paica ñallami nalicunataca tucuchinga (2 Pedro 2:5, 6).

Shinapash cunambica, Jehovamanda villajcunami Diospa mandashcacunataca Noé shina cazun.