¿Imamandata Bibliataca ali rijsina canchi?

Bibliaca mundo enteropi rijsishca libromi can. Bibliapimi ñaupa tiempo gentecuna imashina causashcata, Taita Diosta imashina sirvishcatapash villan. Chaicunata Bibliapi liishpaca ashtacatami yachajushun. Bibliaca fácil fácil shimicunapi escribishcami can. Chaimandami ashtaca shimicunaman traducinalla can. Ñaupa tiempopi gentecuna o cunan tiempopi gentecuna liishpapash intindirinallami can. Bibliapi consejocunapash alipachami can.

Ashtahuangarin Bibliaca Dios escribichishca libromi can. Bibliapimi Diospa shutita, Dios imashina cajta villajun. Gentecunatapash cai Alpatapash Taita Dios rurashcatami villajun. Llaquicuna imashina cai mundopi callarishcata chai llaquicuna imashina tucurinatami parlan. Bibliata aliguta liishpaca feta esperanzatapash charishunmi.

Bibliashna shuj libroca na tianllu. Bibliapillami cai tapuicunata yachajui ushapanchi:

• Gentecunaca ¿imashinata tiai callarirca? ¿Imamandata sufrinchi?

• Gentecunata salvangapaca ¿imatata Taita Diosca rurashca?

• ¿Imashinata Jesusca ñucanchita salvarca?

• Cai Alpapash gentecunapash ¿imashi tucunga?

Shinaca Bibliamanda ashtahuan yachajungapaca shamuj temacunata ricupashunchi.