Shujcunata ayudajpica Taita Diosca bendiciangami

Ashtaca gentecunami imata micunata, maipi causanatapash na charinllu. Cutin shujcunaca jipa punllacunapi ali causaigu tianata crinami minishtin. Shinaca Taita Dios ñucanchicunata bendiciachunga ¿imashinata shujcunata ayudana capanchi?

BIBLIAPICA ¿IMATATA YACHACHIN?

“Imagutapash na charij runaguman imagutapash caraj runaca, Mandaj Diosman mañachishcashnami charin. Chashna alita rurashcamandaca, paimambash tigrachingami” (PROVERBIOS 19:17).

SHUJ GENTECUNATA AYUDANGAPACA ¿IMATATA RURAI USHAPANCHI?

Shuhuacuna shuj jarita ninanda macashpa huañunalla saquishcatami Jesusca parlarca (Lucas 10:29-37). Shinallata chai macai tucushca jariguta shuj llactamanda runa ayudashcatami Jesusca parlarca.

Chai runaca chugrishcata jambishpa, culquigutapash cushpami ayudarca. Shinallata chai macai tucushca jarigu ali tucungacamanmi chai runaguca ayudarca.

Caimandaca ¿imatata yachajupanchi? Chai runaguhuan ima pasashcata parlashpami Jesusca ñucanchicunapash shuj gentecunata ñucanchi usharishcagucaman ayudana cashcata yachachijurca (Proverbios 14:31). Bibliapica Taita Dios ñalla tucui llaquicunata tucuchinatami yachachin. Shinapash ¿imahorata llaquicunataca tucuchinga? Cati yuyaipimi Taita Dios quiquinman shuj ali causaiguta caranata yachachin.