Ashtahuan aliguta villachishunchi: Tapuicunata ali utilizapangui

¿IMAMANDATA MINISHTIRISHCA CAN? Gentecunapa ‘shungupi charishca yuyaicunaca, ucu ucu yacushnami’ can. Gentecuna imata yuyashcata yachangapaca ali tapuicunata ruranami ayudan (Pr 20:5). Ali yuyashpa tapuchijpica gentecunapashmi paicunapa yuyaicunata parlangalla. Gentecunata ali rijsichunmi tapuicunaca ayudan. Jesusca tapuicunata alimi utilizarca. ¿Imashinata paipa ejemplota cati ushapanchi?

¿IMATATA RURASHUN?:

• Ima yuyashcata parlachun tapupangui. Jesusca paipa catijcuna ima yuyashcata yachangapaca, huaquin tapuicunatami rurarca (Mt 16:13-16; be-S pág. 238 párrs. 3-5). Gentecuna ima yuyashcata parlachunga ¿ima tapuicunatata rurapanguiman?

• Paicunallata intindichun tapupangui. Apóstol Pedro pandata nijushcata paillata intindichunmi, Jesusca ali yuyashpa huaquin tapuicunata rurarca (Mt 17:24-26). Gentecuna paicunallata ali intindichunga ¿ima tapuicunatata rurapanguiman?

• Felicitapangui. Jesusca ‘alipacha yachajushca cashpa, chashna tigrachijta’ ricushpami shuj runagutaca felicitarca (Mr 12:34). Tapuicunata rurajpi gentecuna contestajpica ¿imatata nipanguiman?

JESÚS CUENDA VILLACHISHPA CATIPASHUNCHI: BIBLIAMANDA YACHACHISHPA NISHCA VIDEOPA PRIMERA PARTETA RICUSHCA JIPA, CAI TAPUICUNATA CONTESTAPANGUI:

• Bibliamanda cabalta nijushpapash ¿imamandata chai huauquica nali yachachishcata ricuchirca?

• ¿Imamandata na ñucanchilla parlana capanchi?

CHAI VIDEOPA SEGUNDA PARTETA RICUSHCA JIPACA, CAI TAPUICUNATA CONTESTAPANGUI:

• ¿Imashinata chai huauquica tapuicunata ali utilizashcata ricuchirca?

• Bibliamanda yachachijushpaca ¿imashinata chai huauquipa ejemplota cati ushapanchi?