LECCIÓN 01
Quiquindaca ¿imashinata Bibliaca ayudaita ushan?
Tucuicunallatami ñucanchi causaimanda, llaquicunamanda, huañuimanda o jipa punllacunapi ima pasanamandapash shuj shuj tapuicunata charipanchi. Huaquinbica ñucanchi familiata mantiningapaj culquiguta charinamanda o ñucanchi familia cushilla causachun munaimandami preocuparinchi. Ashtacacunami cai tapuicunapa respuestacunataca Bibliapi tarishca. Shinallata Biblia ñucanchi causaipi ayudajtapashmi cuenta japishca. Bibliapa consejocunaca tucuicunatallatami ayudaita ushan.
1. Bibliaca ¿ima tapuicunatallata contestan?
Bibliaca cai tapuicunatami contestan: Causaica ¿imashinata tiai callarirca? ¿Imamandata caipi capanchi? ¿Imashpashi ali gentecunara sufrin? Huañushca jipaca ¿imata tucunchi? Gentecuna tranquilo causangapaj munajpipash ¿imamandata ashtaca guerracunaca tian? Cai mundo alpahuanga ¿imata pasanga? Ashtaca millón gentecunami cai tapuicunapa respuestacunata Bibliapi tarishpaca cushilla sintirishca.
2. Cushilla causai ushachunga ¿imashinata Bibliaca ayudan?
Bibliapica alipacha consejocunami tiapan. Bibliapica familiapi cushilla causangapaj imata ruranata, shinallata ama estresado cangapaj o trabajopi cushilla yalingapapash alipacha consejocunami tian. Cai publicacionbi tiashca yuyaicunata yachajujushpaca shuj shuj yuyaicunamanda Biblia ima nijtami yachajupangui. Shinami ‘Taita Dios escribichishca shimi [o Bibliapa consejocuna] tucuilla ali cashcata’ cuenta japipangui (2 Timoteo 3:16).
Cai publicacionbi tiashca yuyaicunaca Bibliata ashtahuan intindichunmi ayudanga. Chaimandami caipi tiashca tucuilla textocunata liichun, shinallata imata yachajushcatapash chai textocunahuan comparachun animapanchi.
ASHTAHUAN YACHAJUPASHUNCHI
Cunanga gentecunapa causaipi Biblia imashina ayudashcata, Bibliata cushilla liingapaj ima ayudashcatami ricugripanchi. Shinallata pipash Bibliamanda yachachichun imamanda minishtirishca cashcatapashmi yachajugripanchi.
3. Bibliami imata ruranata yachachun ayudan
Bibliaca shuj punchayachijuj michagushnami. Chaimandami ali desiciongunata agllachun, shamuj punllacunapi ima pasana cashcata yachachunbash ayudan.
Salmo 119:105ta liishpa, cai tapuicunata contestapangui:
Cai Salmota escribijca ¿imatata Bibliamandaca yuyarca?
Cutin quiquinga ¿imatata yuyapangui?
4. Bibliami ñucanchipa tapuicunataca contestan
Shuj huarmiguca ashtaca huatacunatami tauca tapuicunapa respuestacunata na yachashpa causajurca. Shinapash chai tapuicunata Biblia contestajtami yachai chayarca. VIDEOTA ricushpa, cai tapuicunata contestapangui:
Videopi ricushca shinaca ¿ima tapuicunatallata chai huarmiguca charirca?
Paitaca ¿imashinata Bibliamanda yachajunaca ayudarca?
Bibliaca tapuicunata rurana ali cajtami yachachin. Mateo 7:7ta liishpa, cai tapuita contestapangui:
¿Quiquin charishca maijan tapuicunatata Bibliaca contestaita ushan? ¿Ima tapuigucunatata charipangui?
5. Bibliata liinaca ninandami cushichin
Huaquingunaca Bibliata liinataca ninandami gushtan. Bibliata liishpaca ninandami yachajushca. VIDEOTA ricushpa, cai tapuicunata contestapangui:
Cai videopi ricushca shinaca Bibliata liinamandaca ¿imatata huaquin jovengunaca pensan?
Shuj librocunata liinata na gushtashpapash ¿imashpata Bibliata liinataca gushtan?
Bibliapica cushichij shimicunami tian. Shinallata shamuj punllacunapi shuj ali causaigu tianatapashmi yachachipan. Romanos 15:4ta liishpa, cai tapuita contestapangui:
¿Biblia ima nijta ashtahuan yachajungapaj munapanguimanllu?
6. Pipash yachachijpimi Bibliataca ashtahuan aliguta intindi ushapashun
Ashtacacunaca paicunallata Bibliata liishpapash pipash Bibliata intindichishpa yachachichun minishtirishca cashcatami cuenta japishca. Hechos 8:26manda 31caman liishpa, cai tapuita contestapangui:
Bibliata ashtahuan intindingapaca ¿imata ayudanga? (Versículo 30 y 31ta ricupangui).
Etíope runaguca pipash Bibliamanda yachachishpa ayudachunmi minishtijurca. Ñucanchipashmi Bibliamanda intindichishpa pipash ayudachun minishtipanchi
HUAQUINGUNACA, “Bibliamanda yachajunaca yangallatami can” ninmi.
Quiquinga ¿shinallatachu nipanguiman?
YARINGAPAJ
Bibliaca ñucanchi causaipi ayudangapaj ashtaca consejocunata, ñucanchi tapuicunapa respuestacunatapashmi charin. Shinallata ama llaquilla cachun, shamuj punllacunapi cushilla ali causaigu tianata crichunbashmi ayudan.
¿Imatata yachajupashcanchi?
¿Ima consejocunallata Bibliapica tian?
¿Ima tapuicunatata Bibliapica contestan?
Bibliapica ¿imatata yachajungapaj munapanguiman?
CAITAPASH RICUPAI
Bibliapa consejocunaca tucuicunatallatami ayudaita ushan.
“Bibliapa consejocunaca alipachami can” (Tucui gentecunapa Villajun revista 2018, Número 1)
Cai videopica shuj jariguta paipa causaipi imashina Biblia ayudashcata ricupai.
¿Imashinata ñucapa cushilla, mushuj causaita callarircani? (2:53)
Familiapi cushilla causangapaj Biblia imata nijta ricupai.
“Familiacuna cushilla causachun 12 yuyaicuna” (Rijcharipaichi revista 2018, Número 2)
¿Cai mundotaca pishi mandajun? Biblia ima nijta ricupai.
¿Imamandata Bibliata yachajuna capanchi? (Punda video) (3:14)