¿Jehová Diospa ayudata ricupashcanguichu?

Bibliapica gentegucuna rurashca oracionda Jehová Dios contestashcatami villan. Jehová Diosta sirvijcunaca Jehová Dios ciertopacha paicunamanda pendiente cashcata cuenta japishpami paicunapa fepash ashtahuan shinlli tucurca. Chaimandami ñucanchipash Jehová Diosta mañajushpaca imata munashcatapacha mañana capanchi. Y shinallata Jehová Dios ñucanchi mañaicunata imashna contestajtami cuenta japina capanchi. Shinapash Jehová Diosca talvez ñucanchi mañashcashnapacha na contestajtaca yaipimi cana capanchi. Porque paimi ñucanchipa ima ali cajta ricushpa contestanga (2Co 12:7-9; Ef 3:20). ¿Imashinata Jehová Diosca ñucanchi mañaicunataca contestan?

• Taita Diosca llaquicunata aguantashpa catichunmi fuerzata cushpa ayudan (Flp 4:13).

• Ali decisiongunata agllachunmi ali yachaita caran (Snt 1:5).

• Alita rurana munaita charichun y chaita pactachichunbashmi fuerzata caran (Flp 2:13).

• Problemacunahuan cajpica tranquilo sintirichunmi ayudan (Flp 4:6, 7).

• Ñucanchi imagutapash minishtijujpi ayudachunmi shujcunataca utilizan (1Jn 3:17, 18).

• Jehová Diosca shujcunamanda mañachunmi munan (Hch 12:5, 11).

JEHOVÁ DIOSCA PAITA “MAÑAJPICA UYANBACHAMI” NISHCA VIDEOTA RICUSHCA JIPACA, CAI TAPUICUNATA CONTESTAPANGUI:

• Imapash unguita charijcunataca ¿imashinata huauqui Shimizupa experienciaca ayudan?

• ¿Imashinata huauqui Shimizupa ejemplota catita ushapanchi?