Estudiangapaj consejocuna

Jehová Diospa cualidadcunamanda ashtahuan yachajupashunchi

Bibliata liijushpaca imata liijushcata ashtahuan ali intindingapami investigaita ushapanchi. Shinapash imatapash yachangapallaca na liinachu capanchi. Ashtahuangarin Jehová Dios imashinapacha cashcata ashtahuan yachajungapami estudiana capanchi. Chaita ruranaca paita ashtahuan juyachunmi ayudanga. Y chaipaca cashnami pensari ushapanchi: “Cai textopica Jehová Diosmandaca ¿imatata yachajuita ushani?” nishpa.

Por ejemplo, liishca versiculocunapica Jehová Diospa juyaimanda, ali yachaimanda, justiciamanda, podermanda imata yachajui ushashcatami ricuita ushapangui. Shinapash Jehová Diospa shuj shuj cualidadcunamandapashmi ashtahuan yachajuita ushapangui. Paipa cualidadcunamandaca ¿maipita ashtahuan yachajui ushapangui?

Índice de las publicaciones Watch Tower nishca publicacionbimi Jehová Diospa 50 yali cualidadcunamanda ashtahuan yachajuita ushapangui. Chaipaca “Jehová” nishca shimita mascashpa “Cualidades por nombre” nishca partepi yaicupangui. Quiquin liishca versiculocunapi Jehovapa maijan cualidadmanda parlajushcata ricushpami chai cualidadtallata, chai partepi mascashpa chai informacionda liita ushapangui. Quiquinba shimipi Guía de estudio para los testigos de Jehová nishca publicaciondalla charishpaca “Jehová” nishca shimita mascashpa “Cualidades de Jehová” nishca partepimi mascaita ushapangui.