¿Diablochu gentecunapa llaquicunamandaca culpata charin?

Bibliapica caitami yachachin

Diablota na ricui ushashpapash, Bibliapica Diablo tiashcatami yachachin. Diabloca pandillerocunapa jefe cuentami can. Chaimi gentecunata llaquichingapaca tucuita ruran. Bibliapi nishcashnaca “Diablopashmi shuj ali angelshna tucunata yachan” (2 Tesalonicenses 2:9, 10; 2 Corintios 11:14). Achica nali cosascuna pasajta ricushpami Diablo tiashcataca seguro capanchi.

Shinapash gentecunapa tucui llaquicunamandaca Diablollaca na culpata charinllu. ¿Imamandata shina ninchi? Taita Diosca gentecunataca paicunallata ima ali cajta o ima nali cajta decidichunmi saquirca (Josué 24:15). Nali decisiongunata agllashpaca ñucanchillatami culpata charinchi (Gálatas 6:7, 8).