Punda tiempopi escribishca cashpapash, cunan punllacunapica ninandami ayudan
Ashtaca gentecunaca, Bibliataca Taita Diospa Shimimi can nishpami rijsin. Shinapash Bibliapica Taita Diosmandallaca na parlanllu. Ashtahuangarin gentecunapa ashtaca ali consejocunatapashmi charin.
Por ejemplo, huaquin gentecunaca Bibliata liishpa, Bibliapa consejocunata paicunapa causaipi pactachishcamanda imata nijta ricupai.
“Cushillami causani, ñana yapata llaquirinichu. Ashtahuanbash ali sintirimandami cunanbica sanopash sano sintirini” (Fiona).
“Bibliata yachajunami cushilla causachun ayudahuashca” (Elena).
“Ñana trabajashpalla yalinichu. Cunanbica ñuca familiahuanmi ashtahuan tiempoguta yalini. Cunansi cushillapachami causani” (Andrew).
Cai gentecunashnami mundo enteromanda ashtaca gentecunaca, Bibliapa consejocunata catina ali causachun ninanda ayudashcata cuenta japishca.
Bibliata yachajunaca ¿imashinata cai cati yuyaicunapi ayudaita ushan?
¿Imashinata ali saludta charita ushapanchi?
¿Imashinata ñucanchi yuyaicunapi tranquilo caita ushapanchi?
¿Imashinata ñucanchi familiahuan, amigocunahuan ali llevarita ushapanchi?
¿Imashinata culquitaca aliguta utilizana capanchi?
¿Imashinata Taita Dioshuan ali caita ushapanchi?
Cai revistapa cati temacunapimi Taita Diospa Shimi, Biblia imashina gentecunata ali causachun ayudajta ricupashun.