4 | Bibliapa ali consejocuna

¿Imatata nisha nin?

Bibliaca jambicunamanda na yachachij libro cashpapash, salud mental unguicunahuan sufrijcunapaca alipacha consejocunatami cun. Cati ejemplocunata ricupai.

¿Imashinata ayudashca?

“Sano gentecunaca doctortaca na minishtinllu. Pero ungushca gentecunaca minishtinmi” (MATEO 9:12).

Bibliapica ninmi, huaquinbica doctorpa ayudapachami minishtirin nishpa. Ashtaca gentecunami salud mental unguicunata charishpaca, chai unguicunamanda ashtahuan informacionda tarishpa, especialistacunapa ayudata chasquishpa ashtahuan ali sintirishca.

“Ejerciciota ruranaca” tucui cuerpollata sano cachunmi ayudan (1 TIMOTEO 4:8).

Ñucanchi saludpa ali costumbrecunata charingapaj tiempota, fuerzacunata utilizanami, ñucanchi salud mental ali cachun ayudanga. Huaquin ali costumbrecunaca caicunami can: ejerciciota siempre rurana, sano micunata micuna, ali puñuna.

“Cushilla shunguhuan causanaca, cuerpopajpash ali jambigumi. Ashtahuangarin llaquilla shunguhuan causashpaca, tullucamanmi chaquichijun” (PROVERBIOS 17:22).

Cushichij textocunata liina, pactachi ushanalla metacunata churarinami, ashtahuan cushilla sintirichun ayudanga. Cushilla yuyaicunata charina, tucui ali llujshinata pensanami, salud mental unguicunata charishpapash mentalmente ali cachun ayudanga.

“Ali yachaica, na jariyashcacunahuanmi” (PROVERBIOS 11:2).

Huaquinbica imaguta rurangapaca shujcunapa ayudami minishtiringa. Shina cajpica cushijushpa chasquipai. Tal vez quiquinba amigocuna, familiacunami ayudangapaj munanga. Shinapash imashina ayudanataca na atinangachu. Chaimandami imashina ayudachun minishtishcata villana capangui. Shinapash tucuipi ayudachunga na shuyanachu cangui. Imagumandapash siempremi pagui nina cangui.

Salud mental unguita charijcunataca ¿imashinata Bibliaca ayudan?

“Nali sintirishpami doctorpaman rircani. Doctoraca ñuca imata charishcatami aliguta explicahuarca. Chaimi ñuca imata charishcata intindircani. Shinallata ñuca unguipa ima tratamientocunalla tiashcatami villahuarca” (Nicole,a trastorno bipolar unguitami charin).

“Ñuca huarmiguhuan Bibliata cada punlla liinami ashtacata ayudahuashca. Shinami cada tutamanda ali yuyaicunahuan callarini. Llaquillapacha sintirishca punllacunaca, shunguman chayaj shuj ali texto ñucata ayudashcatami cuenta japishcani” (Peter, depresión unguitami charin).

“Callaripica ñuca ima unguita charishcata parlanataca pinganayachinmi carcani. Shinapash ñucata intindij, juyaihuan trataj alipacha amigami ali sintirichun, na ñucalla cashcata cuenta japichun ayudahuarca” (Ji-yoo, trastorno alimentario unguitami charin).

“Bibliapa ayudahuanmi cunanbica na yapata trabajashpa, ashtahuan samani. Shinallata emocionalmente problemacunata controlachunmi ayudahuashca” (Timothy, trastorno obsesivo-compulsivo unguitami charin).