Imashnapacha cajta ali yachanarami capangui

Imamandata shinlli can

LLullacunata uyaimandami ashtaca gentecunaca shujcunata nali tratashca.

Por ejemplo, huaquin jefecunaca huarmicunaca na tucui trabajocunapaca sirvinllu ninmi.
Punda huatacunapi, Europa llactacunapica yangamandami judío gentecunataca, paicunami yacu llujshijuj pushtupi venenota churashca, chaimandami shuj jatun millai ungüi tiai callarishca nishpa juchachirca. Shinallata shuj tiempopica Alemania llactamanda gentecunaca, judio gentecunapa culpamandami culqui faltalla causanchi nishpami juchachinajurca. Yangamandami judio gentecunataca shina juchachinajurca. Cunangamanmi shina nalicachishpa trataicunaca tian.
Ashtaca gentecunaca discapacitadocunaca siempremi culira culira o llaqui llaqui causan ninmi.

Chai parlocunata crimandami huaquin gentecunaca chaicunaca ciertomi can ninmi. Shinallata chai parlocunata na crijcunataca imatapash na yachanllu ninbashmi.

Bibliapica ninmi

“Ali yachaita na charij runapaj shunguca nalichu” can (PROVERBIOS 19:2).

¿Imatata ningapaj munan? Imatapash na ali cabalguta yachashpaca siempremi pandaririn. Shujcuna imata nishcata crimandalla na cabalta yachashpata imatacunatapash nijushpaca, ñucanchipash yangatami juchachijuringa.

Tucuicunata igual tratanamandaca ¿imatata Bibliapica yachachin?

Huaquin gentecunaca Bibliapica tucuicunata igual tratanataca na yachachinllu ninmi. Pero Bibliapica ¿imatata nin?

Tucuicunami shujlla runamanda shamunchi: “Shujlla runamandami cai pachapica, maipipash shuj shuj gentecuna mirashpa causachun Diosca rurashca” (Hechos 17:26).
Taita Diosca tucuicunatami igual tratan: “Taita Diosca na pitapash ñavita ricushpalla chasquinllu. Maijan llactapi cashpapash, paita manllashpa, imatapash cashcatapacha rurajtami, Diosca alicachin” (Hechos 10:34, 35).
Taita Diosca gentecunapa ñavitalla ricunapa randica paicunapa shungutami ricun: “Runaca, paipaj ñavipi ricurishcatallami ricun. Ashtahuangarin [Jehová, NM ] Dios ñucaca, shungutami ricuni” (1 Samuel 16:7).a

a Bibliapica Taita Diosca Jehová shuti cajtami ricuchin.

Imapash ciertopacha cajta yachanaca ¿imashinata ayudan?

Pitapash alipacha rijsishpaca, pipash chai personamanda imapash llullacunata nijpica na crinchimanllu. Shinallata shuj llacta gentecunamanda imapash nishcacuna na cierto cajta yachashpaca chai gentecunamanda imatapash nijpica na yangata crinchimanllu.

Causaipi ima pasashcata parlashcacuna: Yovitsa (Europa llactamanda)

Página 3pi parlashca Yovitsa shuti jarica, pai causajuj pushtupi causaj shuj laya gentecunamandaca televisionbi, noticiacunapi, gentecunapash nalicunata parlajta uyashpami viñarca. Paica “chai gentecunaca nalicunapachami can yuyaimandami paicunataca ricuitapacha na ricunayachin carcani” ninmi.

“Shinapash soldado tucushpaca paicunahuanllatami cumba tucuna carcani. Paicunataca asha ashami rijsishpa catircani. Ñucaca paicuna parlaj shimitami yachajui callarircani, paicunapa musicacunatapashmi uyai callarircani. Paicunahuanga cushillami yalin carcani. Shinami paicunamanda imata yuyashcataca asha asha cambiarcani. Ama cutin chashnallata pensai callaringapaca ñuca causajuj pushtupi causaj shuj laya gentecunamanda nalita parlaj noticiacunata, peliculacunata, shuj programacunataca ñana ricunichu. Na tucuicunata igual ricushpaca shujcunata na ricunayachishpa nalita trataringallata yashpami chashna rurani” ninmi.

¿Imatata rurai ushapangui?

Shuj persona nali cajpipash tucuicunami shina canga nishpaca na pensanachu capangui.
Shujcunamandaca tucuitami cabalta yachani yashpaca na pensanachu capangui.
Ciertomi can ningapaca pi nijujta o imapi shina nijujtami ali yachanara capangui.