PRECIOCUNA SUBIJPICA ¿IMATATA RURANA CANCHI?

Culquitaca ricushpallami gashtana canchi

Minishtirishca cosascuna subijpica causaica ashtahuan dificilmi can. Shinapash, ñucanchi causai ama yapa difícil cashpa catichunga huaquin cosascunatami rurai ushanchi.

¿IMASHPATA IMPORTANTE CAN?

Yangata culquita gashtajpica jaicatami tucuringa. Shina rurashpaca ashtahuan problemacunata, ashtahuan preocupaciongunatami charishun. Ashalla culquiguta charishpapash ama yapata gashtangapaca, cai yuyaicunami ayudaita ushan.

¿IMATATA RURAI USHANGUI?

Charishca culquihuanlla causanata yachajupai. Chashna rurashpaca ashtahuan tranquilomi causangui. Na yashcapi gashtana tucujpipash preparadomi cangui.

Charishca culquihuanlla causanata yachajungapaca, mashna culquiguta charishcata, mashnata gashtaita ushashcatami ali ricuna cangui. Mashna culquiguta charishcatami ali yachana cangui. Chai culquiguhuanga minishtirishca cosascunatalla randingapami shuj listapi anotai ushangui. Culquita ama yapata gashtangapami cuidarina cangui. Charishca culquigutalla gashtashpaca shuj gashtocuna tiajpipash o minishtirishca cosascunapa precio subijpipash na yapata preocuparishunllu. Shinapash casado cashpaca, imaguta randingapaj munashpapash nara randishpallatami quiquinba cusaguhuan o huarmiguhuan parlarina cangui.

Caita rurapai: Imaguta randigrijushpapash al contadomi randina cangui. Na a crédito randinachu cangui. Shina randinami ashtaca gentecunataca ama culquita yangata gashtachun o ama dibi tucuchun ayudashca. Shinallata, bancopi mashna culquita charishcatapashmi ali ricuna cangui. Mashna culquita charishcata yachashpami mashnata gashtai ushashcata ricushpa na yapata estresaringui.

Asha culquihuanlla causanaca shinllimi ricuringa. Chaimi imaguta randingapapash tiempohuan planificana can. Shina rurashpaca culquimandaca na yapata preocuparishunllu.

‘Culqui pactanata o na pactanatami ricuna’ can (Lucas 14:28).

Canba trabajota cuidapai. Quiquinba trabajota cuidangapaca ¿imatata rurana cangui? Por ejemplo, puntualmi cana cangui, trabajomandaca ali yuyaicunatami charina cangui. Imagutapash uchallami rurana cangui. Aligutami trabajana cangui. Tucuicunatami respetana cangui. Chai trabajopi imata mandajpipash aligumanmi chasquina cangui. Ashtahuan mejorangapami esforzarina cangui.

Culquitaca na yangata gashtanachu cangui. Cashna tapuripai: “¿Na minishtirishca cosascunapi o nali cosascunapichu culquitaca yangata gashtani?” nishpa. Ashtaca gentecunaca drogacunapi, tabacocunapi, tragopi, nali pugllaicunapimi culquitaca yangata tucuchin. Caicunata ruranaca nalichu can. Chaimandami huaquingunaca ungun, shujcunacarin trabajotapash chingachin.

“Ali yuyaita charij runaca ninandami cushijun. Cai ali yachaica, culquita tarishcatapash yali alimi” (Proverbios 3:13, 14).

Emergenciacunapa culquita ahorrapai. Ushashpaca asha culquiguta siempre alichipai. Jipa punllacunapi imapash emergencia ricurijpi utilizangapaj. Shinami imapash llaquicuna ricurijpica na yapata preocuparingui. Por ejemplo, quiquinda o shuj familiatami ungui japi ushan o trabajota chingachita ushan.

‘Runaca ima punlla ima tucunataca na yachanllu. Ima llaquipipash lazushnami ñapash japin’ (Eclesiastés 9:12).

Culquita ahorrangapaj ideacuna

Huasipi micui

Restaurantecunapilla micuna, ufiana costumbreta charishpaca yapa culquitami gashtangui. Ciertomi can huasipi yanungapaca tiempo y esfuerzomi minishtirin. Shinapash huasipi yanushpaca culquitami ahorrangui. Ashtahuanbash ñucanchillata yanushpaca mishqui, limpiotami yanushun.

Ali ricushpa randingui

Mercadoman rishpaca shuj listaguta rurashpami apana cangui. Shina rurashpami yangata randinapa randica, minishtirishca cosasgucunatalla randingui.
Yapalla culquigu tiajpica, llashajlla cosascunata randinami baratolla llujshin. Shina randishpapash huaquin cosascunaca jaicatami huaglin. Chaimi maipi alichinatapash ali ricuna cangui. Shina rurashpami na yangata desperdiciangui.
Na rijsishca marcacuna cajpipash, productocuna ali cajpica caicunatami randi ushangui.
Quiquin causajuj pushtupi internetman yaicushpa imagutapash randinaca alimi canman. Huaquinbica más baratomi tari ushangui. Shinallata imata randishcata, mashnata gashtashcatapash alimi ricui ushangui.
Usharijpica ofertacunata o descuentocuna aprovechai ushangui. Shinallata preciocuna maipi más caro, más barato cajtami mascana cangui. Por ejemplo, micha, gas, yacu y shuj cosascuna maipi ashtahuan barato cashcatami ricuna cangui.

Alitami pensana cangui

Telefonocunata, shuj aparatocunata rurajcunaca ashtahuan culquita ganangapami shuj shuj modelocunata llujchin. Chaimi cashna pensarina cangui: ¿Ciertopachachu telefonota cambianata minishtini? Shina cajpica ¿cunan ratochu cambianata minishtini? Ña cambiagrijushpaca ¿último modelo telefonotachu randina cani? nishpa.

Aparatocuna huaglijpica arreglachi o de segunda manota randi

Refrigeradora, cocina ama jaicata huaglichunmi aliguta cuidana cangui. Cai aparatocuna huaglijpica arreglachishpami ali canman. Shinallata de segunda manota randishpaca culquitami ahorrangui.

Huaquin micunata quiquinllata tarpui

¿Huaquin micunacunata tarpungapaj shuj pushtuguta charipanguichu? Tarpushpaca mercadopishnaca na yapata gashtanguichu. Ashtahuanbash shujcunahuan cambiangapaj, jatungapaj, carangapapashmi charingui.

“Imatapash ucha rurajcuna aliguta yarishcahuanga, ashtacatapachami charinga” (Proverbios 21:5).

“Minishtirishca aparatocunata, shuj cosascunata randigrijushpaca preciocunata ricushpami randinchi. Shinallata tarjeta de creditota mashna viaje utilizashcatapash ricurianchi”(Miles, Inglaterra).

“Mercadoman nara rishpallatami ñucapash y ñuca familiapash siempre minishtirishcagutalla randingapaj shuj listata ruranchi”(Jeremy, Estados Unidos).

“Imapash problemacuna ricurijpica charishca culquiguhuanmi imagutapash ruranchi. Shinallata imapash emergenciacuna tianga yashpami asha culquiguta alichinchi”(Yael, Israel).

“Ñucanchi huahuacunamanga imapash huasipi huaglijpi o carro huaglijpica, mushujcunata randinapa randica arreglachunmi yachachinchi. Shinallata ñucapash y ñuca huarmipash imatapash yangataca na randinchichu”(Jeffrey, Estados Unidos).

“Ñucaca gashtocunahuan ayudaringapaca huaquin verduracunatami tarpurcani, pollocunatami viñachircani. Shina ruraimandami cunanga huaquin verduracunatapash shujcunaman carai ushashcani”(Hono, Myanmar).