2 | Culquiguta ali utilizapashunchi

¿IMAMANDATA IMPORTANTE CAN?

Tucui punllacunami ashtaca gentecunaca culquigu quillapa pactachun ninanda esforzarin. Cai mundopi problemacunamandami gentecunaca ashtahuan esforzarina can. ¿Imamanda?

• Shuj llactapi imapash llaquicuna tiajpica micunapash, arriendocunapashmi subin.

• Shinallata trabajo na tiajpimi sueldocunapash bajarin.

• Desastres naturalescunamanda o shuj llaquicunamandami charishca cosascunapash tucurishca. Chaimandami huaquingunaca pobre pobregucuna quedashca.

¿Yachaparcanguichu?

• Aliguta pensarishpa culquiguta utilizanata yachaj cashpaca imapash llaqui chayamujpipash chai llaquita aliguta chimbapurangapaj ashtahuan ali preparadomi capangui.

• Ganashca o ahorrashca culquiguca tucurinllami. Shinallata alpacunapa preciocunapashmi bajarishpa catin. Chaimandami ashtaca culquita charina o ashtaca cosascunata charinaca tranquilo causaitaca na caranllu.

• Ashtaca culquita charishpapash familiahuan cushilla causaitaca na randi usharinllu.

¿Imatata rurai ushapangui?

Bibliapica ninmi: “Ñucanchi charishca micunahuanlla y charishca ropahuanlla contento capashunchi” (1 Timoteo 6:8).

Contento o cushilla cana nishpaca tucui munashcata charimanda cushilla causanataca na nijunllu, caipica tucui minishtirishca cosasgucunata charishpa cushilla causanatami parlajun. Ashtahuanbachaca culqui faltalla cashpami cai consejota yaria cana capanchi.

Culquita na charishpata yapata gashtajushpaca problemacunapimi urmaringa. Chaimandami mashna gashtanata ricushpa causaipi imapash cambiocunata rurana cajpica cambiocunata rurangapaj esforzaripangui. Shinami ashalla cosascunata charishpapash cushilla causaita ushapangui.