Llaquicunahuan cashpaca quiquinba familiata cuidashpa catingapaca cai consejocunatami catita ushapangui:
CUSAHUARMI CAUSAITA SHINLLIYACHIPAI
Cusahuarmi causaita shinlliyachipai
Bibliapica ninmi: “Shujlla causangapaj randica, ishcaipura causanami ashtahuan ali […]. Shuj urmajpipash, shujca paipaj cumbata jatarichingami” (Eclesiastés 4:9, 10). Imashna shuj equipo ganangapaca paicuna pura ayudarin shinallatami cusahuarmicunaca problemacunata arreglangapaj ayudarina can. Cusahuarmicunaca contra equipopi pugllajcuna cuendaca na canachu can.
Estresado cashpa cusahuarmicuna desquitarinapa randica pacienciahuanmi ima problemacunatapash arreglaita ushapanguichi.
Cusahuarmi problemacunata charishpaca problemacunamanda pliturinapa randica cada semana shuj viajegutallapash problemacunamanda aliguman parlangapaj esforzaripanguichi.
Quiquinguna gushtashca cosascunata ishcandi rurangapaj tiempoguta llujchipaichi.
Cusahuarmi imagutapash rurashpa cushilla yalishcata yaripaichi. Quiquinguna cazarashca punllapi llujchishca fotocunata shuj fotocunatapash ricushpa cushilla yalipaichi.
Davidca ninmi: “Shuj matrimoniopica ishcandimanda tucuipi de acuerdo caitaca na usharinllu, shinapash ishcandimandallata ayudaringapaj esforzarishpaca ali decisiongunatami japita ushan”.
AMIGOCUNAMANDA AMA CARUYAPANGUICHU
Amigocunamanda ama caruyapanguichu
Quiquinba amigocuna animachunllaca ama shuyapaichu. Quiquinbash paicunata animangapaj esforzaripai. Shina rurashpaca quiquinllatami animaripangui.
Amigocuna imashnalla cashcata yachangapaj paicunahuan cada punlla parlapai.
Ima problemacunata charishpapash quiquinba amigocunataca chashna problemacunata charishpaca imatata rurapashcanguichi nishpa tapupai.
Nicoleca ninmi: “Amigocunaca ninandami ayudan. Paicunaca ima problemacunata charijpipash consejocunata cushpami imata ruranata yachachun ayudan. Amigocunaca quiquindaca juyanmi, quiquin paicunata juyajtapash alimi yachan”.
QUIQUINBA HUAHUACUNATA INTINDIPAI
Quiquinba huahuacunata intindipai
Bibliapica ninmi: “Uyangapaca listomi cana capanguichi, uyangapaj listo cashpapash na ñapash imatapash nijunachu capanguichi” (Santiago 1:19). Quiquinba huahuacunapaca paicuna imashna sintirishcata parlanaca dificilmi canga. Pero paicunata pacienciahuan aliguman uyajpica paicuna imashna sintirishcata parlanaca ashtahuan facilmi canga.
Taitamamacuna huahuacunata, parlangapaj shamui nijpica huaquinbica huahuacunaca na parlagapaj munangachu. Shinapash shuj cosasgucunatarapash rurajushpa, pacta purijushpa o carropi rijushparapashmi tranquilo sintirishpa parlangapaj munanga.
Huahuacuna nali noticiacunatalla uyachunga ama saquipanguichu.
Familia ali cachun imacunatalla rurajushcata huahuacunaman villapangui.
Imapash llaquicuna tiajpi imata ruranataca aligutami yachana capangui. Imata ruranataca huahuacunamanbashmi ricuchina capangui.
Bethanyca ninmi: “Huahuacunahuan parlashpaca paicuna imashna sintirishcata parlachun saquipangui. Huahuacunaca imapash llaquicunapi cashpa, manllarishca o colera sintirishpapash na villanllachu. Chaimi ñucapashmi manllaihuan cani ama yapata manllajungapaca caitami rurani nishpa imata rurashcata huahuacunaman parlapangui”.