LECCIÓN 10
Familiahuan Adorana Tutaca ¿imapita ayudan?
Corea del Sur
Brasil
Australia
Guinea
Ñaupa tiempomandallatami Jehová Diosca munashca, familia tandanajushpa paita tucui shunguhuan sirvichun, paicunapurapash juyarishpa aliguta causachun (Deuteronomio 6:6, 7). Chaimandami testigo de Jehovacunaca cada semana Familiahuan Adorana Tutata charinchi Diosta adorangapaj, familiapi cada unota espiritualmente ayudangapajpash. Sololla causajcunapashmi Bibliamanda yachajushpa Diosta adorangapaj chai tutata aprovechana can.
Jehová Diosman quimirichun. ‘Diospaman quimirichi. Shina quimirijpica paipash cangunapaman quimiringami’ (Santiago 4:8). Dios imashina cajta, imata rurashcata Bibliapi yachajushpami paitaca alipacha rijsishun. Familiahuan Adorana Tutapica Bibliata liishpapash callarinallami can. Chaipaca Jesuspa Chaquita Catishpa Causashunchi Yachachishunchi Tandanajuipi Yachajuna hojapi maijan capitulocunata liinata ricushpa liinallami can. Cada unomi huaquin textocunatallapash liita ushan. Chai jipaca, imata chai textocunamanda yachajushcatami tucuicuna parlaita ushan.
Familiahuan juyarichun. Familiahuan Bibliamanda yachajunaca cusahuarmipash, taitacuna huahuacunahuanbash aliguta llevarichunmi ayudan. Familiahuan Adorana Tutapi cushilla aliguta yachajushpaca, gulpicunami chai tutataca cushijushpa shuyanajunga. Taitacunaca huahuacuna mashna huatacunata charijta ricushpami Villajun revistahuan o jw.org direccionbi shuj publicaciongunahuan yachachingapaj munanga. Shinallata escuelapi imapash problemacuna ricurijpi huahuacuna chaicunata imashina chimbapuranatami yachachingapaj munanga. JW Broadcasting (tv.jw.org) nishcata ricushpa familiahuan parlarinapash alimi can. Tantanajuicunapa canticocunata repasanapash alimi can. Yachajushca jipa imagutapash micunaca cushilla yalichunmi ayudan.
Cada semana Familiahuan Adorana Tutata charingapaj tiempota llujchijpica, familia ucupi tucuicunami Bibliamanda yachajungapaj munaita charinga. Chaita rurangapaj esforzarijpica Jehová Diosllatami bendicianga (Salmo 1:1-3).
¿Imamandata Familiahuan Adorana Tutata charingapaj tiempota llujchinchi?
Familiahuan Adorana Tutapi cushijushpa yachajuchunga ¿imatata taitacunaca rurana can?