LECCIÓN 22
Betelpica ¿imatallata ruran?
Islas Salomón
Canadá
Sudáfrica
Betelpi sirvijcunaca shuj o tauca llactacunapi ali villaicunata villachichunmi apoyan. Chaimandami publicaciongunata traducishpa, jatun maquinacunapi imprimishpa, videocunata rurashpa, shuj congregaciongunaman publicaciongunata cachashpa, shuj cosascunatapash rurashpa ayudan.
Betelpa Comité de Sucursalmi tucuita ricurian. Comité de Sucursalpi sirvichunmi ashtaca experienciata charij quimsa o ashtahuan ancianocunata Cuerpo Gobernanteca agllan. Comité de Sucursalmi paicunapa llactapi imashina Diosta sirvijcuna mirajushcata o imapash problemacuna tiashcata Cuerpo Gobernanteman villashpa ayudan. Shinami Cuerpo Gobernanteca mushuj publicaciongunapi, congregaciongunapi, jatun tandanajuicunapipash ima temacunamanda yachachinata ricun. Comité de Sucursalpi sirvinajuj huauquicunata ayudachunga Cuerpo Gobernantemi huaquin huauquicunata agllashpa Betel huasicunata visitachun cachan (Proverbios 11:14). Visita punllacunapica Betel ricuriajuj llactacunata animangapami shuj tandanajuita rurashpa Cuerpo Gobernante cachashca huauquica shuj discursota cun.
Tucui congregaciongunatami apoyan. Comité de Sucursalmi mushuj congregaciongunata aprobanata ricun. Ashtahuanbash superintendente de circuitocuna, misionerocuna, precursorcuna maicunapilla villachinatapashmi ricurian. Shinallata jatun tandanajuicuna tiachun, mushuj Tandanajui Huasicunata rurachun, publicaciongunata congregaciongunaman cachachunmi ricurian. Shinaca Betelpi tucui rurashcacunami ali villaicunata ama maipash cachun villachichun ayudan (1 Corintios 14:33, 40, NM ).
Comité de Sucursalca ¿imashinata Cuerpo Gobernanteta ayudan?
Betelpica ¿imacunatallata ruran?