Covid-19 ungui nara callarijpillata tucuchishca construccionguna

Ashtaca ashtaca gentecuna cada huata bautizarijujpimi Tandanajui Huasicunata, Jatun Tandanajui Huasicunatapash rurana minishtirishca. Chaimi 2020 huatapaca, Locales de Diseño y Construcción nishca departamentoca 2 mil 700 tandanajui huasicunata alichina carca.a

COVID-19 unguimandami huata 2020pa tandanajui huasicunata alichinataca na tucuchirca. Cuerpo Gobernantemanda Comité de Publicacionbi sirvij huauquicunaca, gobiernopa mandashcacunata cazuimandami huaquin proyectocunataca na tucuchishpa saquirca. Huauquipanicunata cuidangapami shina rurarca. COVID-19 ungui nara callarijpillatami mil 700 yali tandanajui huasicunata rurarca, alichircapash. Shinallata huaquin sucursalcunapica huaquin proyectocunatami tucuchita usharca. Cai proyectocunamanda ishcai proyectocuna imashina ñucanchi huauquipanicunata ayudashcata ricupashun.

Camerún llactapa sucursal. Douala llactapi tiashca punda sucursalca yapa uchillami carca. Chaimi alichina minishtirijurca. Comité de Publicacionbi sirvij huauquicunaca sucursalta alichingapami munarca. Shinapash yapata culquita gashtagrijushcatami ricurca. Shinallata alpata randishpa shuj mushuj sucursalta rurangapaj o huasita huasichishcallata alichingapami munarca. Shinapash COVID-19 unguimandami paicuna yuyashcashnaca na rurai usharca.

Douala llactamanda presidenteca Jatun Tandanajui Huasi ladota ñanda llujchigrijujtami huauquicunaca yachai chayarca. Chai ñanmi Jatun Tandanajui Huasiman yaicungapaca ali cagrijurca. Shinallata michata, yacuta ashtahuan facilmi charita ushagrinajurca. Chaimi Cuerpo Gobernantepi sirvij huauquicunaca Jatun Tandanajui Huasi ladollapi mushuj sucursalta rurachun nirca.

Huauquipanicunapash, contratashca gentecunapash trabajashpa ayudashcamandami ñapash tucuchishpa ashalla culquigu gashtarirca. Cai proyectopica ashtaca culquitami gashtaringa yuyarcanchimi. Shinapash menos de dos millones de dolarescunallami gashtarirca. Chaimi COVID-19 ungui nara callarijpillata Betelpi sirvij huauquipanicunaca mushuj sucursalman yalita usharca.

Mushuj sucursalta charimandami Camerún llactamanda betelitacunaca Jehovataca ali sirvita ushashca. Chaimi paicunaca cai sucursalca Jehová Dios carashca regalomi can nin. Shuj cusahuarmica: “Cai regalota carashcamandaca ashtahuanmi Jehová Diostaca sirvingapaj munanchi” nirca.

Tojolabal llactapa Oficina Remota de Traducción. Ashtaca huatacunatami Tojolabal shimiman traducij huauquipanicunaca Sucursal de Centroamericamanda ayudan carca. Sucursal de Centroamericaca Mexico llactapimi carca. Shinapash Tojolabalta parlaj gentecunaca Altamirano y Las Margaritas nishca llactamandami carca. Chai llactacunaca, sucursalmandaca mil kilometrota carupimi carca. Chaimandami traductorcunaca Tojolabal shimita traducinaca shinlli cashcata ricurca. Shinallata traducishpa, grabaciongunata rurashpa ayudachun Tojolabal shimita parlaj huauquipanicunata tarinaca Mexicopica shinllimi carca.

Chaimandami Cuerpo Gobernantemanda Comité de Redaccionbi sirvij huauquicunaca Tojolabalta parlaj pushtupi Oficina de Traduccionda rurangapa decidirca. Chaimi sucursalmanda huauquicunaca jatun edificio huasita randishpa alichingapa decidirca. Shuj mushuj huasita ruranapa randica shina ruranami ashtahuan barato llujshirca.

Shuj traductor huauquica ninmi: “Diez huatacunata sucursalpi traductor shina sirvishpapash ñuca shimita parlajtaca na tuparishcanichu. Cunanga traducina oficinaca Tojolabalta parlaj pushtupimi can. Chaimi Tojolabalta parlaj gentecunahuanga cada punlla tuparini. Chaimandami ashtahuan aliguta parlai ushachun, traducinapipash ashtahuan aliguta traducichun ayudashca”.

Huata 2021pa proyectocuna

Huata 2021paca, usharijpica 75 Oficinas de Traducción Huasicunata, Precursorcunapa Escuelacunata, Diospa reinomanda villachijcunapa Escuelata rurangapajmi yuyanajushcanchi. Shinallata chaishuj huatacunapa ocho proyectocunatapash rurashpa catishunrami. Nueva York Ramapo llactapa Jatun Huasicunatapash, shinallata Argentina, Italiapa sucursalcunatapash alichishpa catishunrami. Ashtahuangarin mil mushuj Tandanajui Huasicunata ruranami minishtirin. Cutin 6 mil yali arrendashca Tandanajui Huasicuna nali cajpimi shujta mascana minishtirin. Shinallata 4 mil Tandanajui Huasicunata alichinapashmi minishtirin.

Mushuj Tandanajui Huasicunata rurangapaj, alichingapaca ¿ima culquihuanda ruran? Tojolabal Oficina Remota de Traduccionmanda parlashpaca Comité de Sucursal de Centroamericapi sirvij Lázaro Gonzáles huauquica ninmi: “Sucursalta ruragrijuj llactapica gentegucunaca pobrellami carca. Huauquipanicunapa ayudahuanmi Oficina Remota de Traducciondaca rurai usharirca. Mundo enteropi huauquipanicuna contribuciongunahuan ayudashcamandami, traductorcunaca paicunapa shimita parlaj comunidad ladocunapimi Oficina de Traducciondaca charita ushashca. Tucui huauquipanicunatami paicunapa charishcacunahuan ayudashcamandaca ninanda agradicipanchi”. Cai proyectocunataca obra mundialpa cushca culquigucunahuanmi ruraita ushashcanchi. Shinallata donate.jw.org paginapi, contribuciongunata cushpa ayudashcahuanbashmi ruraita ushashcanchi.